عمرو أديب: الإرهاب في مصر مفيش أقذر منه

قال الإعلامي عمرو أديب خلال تقديمه برنامج الحكاية علي قناة إم بي سي مصر: "الدولة الوحيدة في العالم اللي عندها كورونا وفيها إرهاب هي مصر، والارهاب في مصر مفيش أقذر منه وفي السنوات كلها اللي فاتت كان فيه إرهاب وخاصة في رمضان يعني الناس دي معندهاش ولا دين ولا ملة".

وأضاف: "الشعب المصري كله طالع بيسأل سؤال انتوا بتعملوا إيه انتوا بتجربوا فينا إحنا حنستحمل النهارده أم شهيد بتقول مكانش ليه جيش وقدمنا ولادنا علشان نكمل انتوا عايزين النظام يقع مش هيقع والبلد تتهز مش هتتهز وكلام البلتاجي مش هجيب نتيجة ولسة زي ما احنا صف واحد وشعب واحد وبنقول تحيا مصر".

وتابع: "أنا عايز أفهم انتوا عايزين مننا إيه أنتوا بقيتوا في سن اليأس، ولادنا نشفوها، الجزيرة مش عايزة تسيبنا في حالنا، التقدم الاقتصادي حارقهم، العالم كله مفيهوش إرهاب إلا إحنا، إنتوا ضد الشعب، العسكري اللي استشهد أهله مصريين أنتوا واقفين ضدنا ومش هنبقي سوريا ولا العراق".