نشر أحد المعلمين على موقع التواصل الاجتماعي "فيس بوك"، رسالة تعبر عن سوء أحواله المادية، وأنه لا يمتلك المال الكافي للمواصلات حتى يستطيع الوصول إلى لجان الثانوية العامة للمراقبة، ووجه هذه الرسالة إلى الدكتور طارق شوقي وزير التعليم ليجد له حلا.
وجاء نص الرسالة كالآتي "معالي الوزير الفاضل لو سمحت أنا لو جالي مراقبة ثانوية عامة، قسما بعزة جلال الله مفيش معايا فلوس ادفعها في المواصلات عشان أروح الملاحظة وانتظرها بعد ٦ شهور، قولي أعمل إيه لو جالي ندب أنا قاعد بدعي ربنا إن ميجيش جواب ندب عشان مش حقدر أروح عشان معنديش فلوس أخدها من البيت عشان أدفعها في المواصلات زي ما بقولك كده، والمثل الشعبي بيقول اللي يعوزه البيت يحرم على الجامع"
رسالة من معلم لوزير التعليم "مش معايا فلوس أوصل للجنة عشان أراقب للثانوية العامة" وتابع المعلم في رسالته قائلا: "أنا معلم خبير ٣٣ سنة خدمة في التربية والتعليم مرتب ٢٩٠٠جنيه متزوج والأسرة مكونة من خمس أفراد، هل يكفو معيشة وكهرباء وغاز ومياه ومواصلات ثانوية عامة، ياريت تتكرم عليه معالي الوزير لو شوفت منشوري تقولي أعمل إيه بالله عليك ومش بمثل ولا بعمل شو إعلامي كل اللي قولته حقيقة، مفيش حيلتي أي حاجة ناقص أقولك إيه تاني، في انتظار ردك لو حضرتك بتشعر بمأساة المعلم".
تابعوا آخر أهل مصر على Google News
