كشفت تحقيقات النيابة العامة في قضية حنين حسام فتاة التيك توك الطالبة بكلية آثار جامعة القاهرة، تفاصيل المقاطع والفيديوهات التي تم نشرها والأموال التى تتحصل عليها نظير بث فيديوهات على الأكونت الخاص بها.
قالت حنين حسام فى التحقيقات: أعمل مع شركة لايكي منذ سنتين بعقد إلكتروني مضمونه أن الشركة تطلب منى تصوير 20 فيديو في الشهر وأشيره على تطبيق لايكي، وأقوم في الفيديوهات بالغناء على الأغنية عادي وبرفق الهاشتاج الخاص بلايكي مقابل الحصول على 400 دولار، وأنا فعلا ملتزمة معاهم بكده بقالي سنتين والمبلغ ده ممكن يقل وممكن يكتر حسب اختيارهم للفيديوهات على أن يكون إضاءتها كويسة وبعد كده طلب مني كلا من محمد علاء ومحمد زكي في ۲۰۲۰/۳/۲۹ وهما شغالين في شركة لايكي والقائمين على إدارتها، وإني أعمل إعلان على الاستوري على الانستجرام بتاعي أنزل فيه فيديو وأقول فيه عايزين مجموعة من البنات عشان يشتغلوا مذيعات في شركة لايكي، وأنا في الفيديو ده كنت بتكلم على مضمونه في قمة الأدب والاستوري دي أصلا بتقعد على الحساب بتاعي لمدة أربعة وعشرين ساعة وبتختفي بس بتفضل في الأرشيف عندي وفي ناس كتيرة عشان أنا عندي متابعين كتير اقتصوا أجزاء من الفيديو وغير مكتملة واتفسرت بمحتوى وحش خارج عن الآداب ومش ده اللي أنا قلته لو اتسمع كل الفيديو وأنا فوجئت أنه تم نشر.
وتابعت حنين حسام: بخصوص الموضوع إن أنا كنت بقول في الفيديو إني محتاجة بنات أكبر من 18 سنة عشان يكون معاها بطاقتها وتتوثق في الشغل في شركة لايكي، وينزل لها الفلوس عن طريق حسابها في البنك لو ليها حساب أو البطاقة بتاعتها عن طريق البريد لو ملهاش حساب وأنا مجرد بس أعمل الإعلان اللي كلفتني بيه شركة لايكي، وميخصنيش حاجة تانية خالص بس أنا فاهمة الإجراءات اللي بيعملوها بعد كده بس أنا دوري يقتصر على الإعلان بس والإجراءات إن البنت اللي عايزة تخش على لايكي تفتح لايف في ساعة إدارة لايكي هي اللي بتحددها عشان الإدارة هي بتشوف وفي اللايف البنت بتقدم نفسها وبتعرفهم على موهبتها سواء بتغني أو بتطبخ أو بترسم متحاورة وفي آخر ساعة اللايف الإدارة بتقولها اتقبلتي أو اترفضتي ولو قبلت بتاخد البطاقة والآي دى بتاعها عشان تفعلها وبعد كده بيدخلوها في جروب أنا مش فيه يقولولهم فيه إدارة لايكي للبنات اللي قبلت المفروض تعمل إيه.
واستكملت حنين حسام في التحقيقات: الفيديو المعروض على جهات التحقيق كامل وسليم وهو اللي صورته واللي قصدته بالفيديو المقتطع أنه تم عرض عشر ثواني من الفيديو بتاعي على مواقع التواصل الاجتماعي بشكل يوحي بكلام خارج وده مش موجود بس منا وما الغرض من نشرك ذلك المقطع، وأنا زي ما قلت هو تم تكليفي من محمد علاء ومحمد زكي ودول القائمين على إدارة لايكي أني أعمل إعلان عشان كانوا طالبين مذيعين يشتغلوا لايف في لايكي وانا باعتبار عندي متابعين فاستغلوا كده عشان يعلنوا عن طريقي.
وعن سبب استخدامها لعبارة "أنا عارفه إن قعدتنا في البيت جت بالخراب علينا كلنا وعارفة إن ناس كتير أوي أشغالها اتعطلت وعارفة إن ناس كتير عندها مشاكل مادية"، قالت حنين حسام: أنا مكنش قصدي حاجة غلط وأنا مش شايفة اللي قلته فيه حاجة غلط وأنا وجهة نظري أني بعمل كده مجرد إعلان بساعد بيه الناس واللي قالي الكلام ده محمد زكي ومحمد علاء.
وتابعت حنين حسام: لم أقصد استقطاب فئة معينة من الفتيات، أي فئة من البنات أو عندها موهبة بغض النظر عن طبقتها خالص، وزي ما قلت أنا بنفذ اللي قالولي عليه ولو عملتوا استعلام على التليفونات هتتاكدوا أن هم اللي قالولي كده، ولم أقصد بالعبارة غير إن دي حقيقة وأن كورونا قعدنا في البيت فشركة لايكي حاولت تساعد الناس اللي قاعده في البيت وتعمل لها فرصة عمل.
وشرحت حنين حسام مضمون الفيديوهات، قائلة : بغني على أغنية أو فيديوهات كوميدي أو تمثيلية وبيكون مدتها من 15 إلى 30 ثانية بالكثير وكل متابعيني أطفال وشباب، وبنشرها على موقع لايكي عشان العقد اللي بينا، وبكسب من وراها المبلغ المتحدد في العقد 400 دولار، وبيتم تحديد المبلغ ده على أساس أعداد المتابعين على السوشيال ميديا عموما لصفحاتي في التيك توك والانستجرام
تابعوا آخر أهل مصر على Google News
