لماذا طلب الزعيم من "اسعاد يونس" تغيير اسمها

كشفت الفنانة إسعاد يونس، عن أنَّ الفنان الكبير عادل إمام طلب منها تغيير اسمها، وذلك خلال مكالمة هاتفية جرت بينهما، كتبت تفاصيلها عبر صفحتها على "فيس بوك".

وكتبت إسعاد:

الموبايل بيرن

ايه النمرة دي؟

ده الأستاذ، والنعمة هو، الزعيم عادل إمام بذات نفسه، يا حلوللي

- آلو، معقولة؟، التليفون نور يا زعيم

- يا إسعاد

- نعم يا أستاذ

- انا عايزك تغيري إسمك

- انت تؤمر يا أستاذ يا حبيبي، أخليه إيه؟

- تخليه إسعاد مصر

- يارب يخليك يا حبيبي، (مخضوضة وصوتي بيحشرج بالعياط)

- بتكلم بجد، انتي ما بقيتيش إسعاد يونس، انتي بقيتي إسعاد مصر

- (عياط)

- أنا ما بفوتلكيش حلقة يا اسعاد، انتي بتسعديني وبتسعدي مصر كلها.

بقية الكلام جميل ورائع ومختلط بدموعي بجد، يا حبيبي يا حبيبي يا حبيبي، مش عارفة اقول حاجة غير كده، ومش عارفة اقول حاجة تاني لحد دلوقتي، كبيره منك يا كبير، ربنا يخليك ليا ويبارك في كل لحظة ف عمرك، بحبه يا ناس حب بحجم موهبته وكاريزمته وصموده وبكل دقيقة من سنين العشرة الطيبة الجميلة.