"شباك الكحك" أحد أشهر المخبوزات التي تننتجها الأفران في محافظة الإسكندرية، وينتشر بقوة فى الاوساط الشعبية وفى مناطق وسط البلد، لما يتميز به من رائحتة النفاذة ورخص سعرة، ويقبل على شراؤه المواطنين فى الإسكندرية، ويعد وجبة أساسية لهم يكتفون بها دون غيره من الأطعمه.
وينتشر بائعو شباك الكحك فى أشهر الميادين والشوارع الرئيسية، بالإسكندرية، ويقبل عليهم الأسر الفقيرة والتى لا تستطيع شراء أبسط انواع الأطعمة، نظرا للغلاء الفاحش الذى يحيط بنا من كل جانب، وتعتمد السيدات والرجال بشكل كبير علية كوجبة كاملة.
ومن جانبة قال منصور مجدى، صاحب عربة لبيع شباك الكحك، "ده شغلى من زمان بقالى أكثر من عشر سنين"، وانا ببيع شباك الكحك، وسعره حاليا جنية واحد بس، وطول عمر شباك الكحك عشا الغلابة، وطول عمر شباك الكحك للناس إللى مش قادرة تشترى أكل من الغلاء، "علشان كدة بيقدروا على نفسهم وبيعدوها بشباك كحك وكباية شاى".
وأضاف بائع شباك الكحك،" أنا عندى أسر بتشترى منىً كل يوم وعايشين علية، إعتادوا شراء شباك الكحك ليهم ولأولادهم، وأصبح عادة، وشباك الكحك مش أي فران يصنعة علشان كده فى ناس متخصصة فى صناعتة.
وقالت إحدى سيدات الإسكندرية المعيلة والتى ترعى أربعة أبناء، الحمد لله ربنا مبينساش حد، وربنا سترنا والحمد لله، وأي أكل بنأكله بيكون فيه بركة، ودايمَا بنشترى شباك الكحك للأولاد عندى وبياكلوه ويحمدوا ربهم، "أنا ممعيش اشترى أكل من السوبر ماركت أو المطاعم، أنا ست على قدى وزوجى متوفى".
وأشارت على شباك الكحك،وقالت "هو دا عشا وفطار وغدا الغلبان فى إسكندرية"، ومتسألش عايشين إزاى علية بس، لأن دا فضل ربنا سبحانه وتعالى، هو إللى بيخلينا نأكله ونحسه أحسن أكل فى الدنيا كلها، الحمد لله على كل حال.
تابعوا آخر أهل مصر على Google News
