مرتضى عقب الخسارة من الإسماعيلي: "لو نيبوشا قدم استقالته مش هقبلها"

أبدى مرتضى منصور رئيس نادي الزمالك، غضبه الشديد، عقب هزيمة الزمالك من الإسماعيلي، بهدف دون رد، في المباراة التي جمعت بينهما اليوم الخميس، على ملعب استاد القاهرة، ضمن مباريات الجولة الثالثة عشر من عمر مسابقة الدوري المصري الممتاز.

وتابع في تصريحات تليفزيونية: "مش همشي نيبوشا لأن أنا ماليش حق طالما أنا مش رئيس الزمالك، بس أنا قرفان منه النهارده ومن إدارته للماتش".

وأضاف منصور: "لو نيبوشا قدم استقالته ماليش علاقة بيها ومش هقبلها لأني أنا مش رئيس النادي، وأنا ما دخلتش النادي من يوم الانتخابات".

وقال رئيس الزمالك: "أنا مش رئيس الزمالك لحد ما النادي يتطهر، أنا دلوقتي مشجع عادي من الجمهور.. يا نعمل جمعية عمومية يا يستقيل هو".

وأضاف: "ماليش علاقة بنادي الزمالك إلا لو الواد هاني العتال مشي، وماحدش يسألني عن مصير النادي لأني أنا مش رئيسه".