صرح الإعلامي عمرو أديب إنه قابل الفنان رامز جلال منذ أيام بإحدى الكافتريات واحتضنه، متابعا: "أنا خفت وقلقت من الترحيب، والحضن ده، وقلت أكيد رامز هايعمل فيا مقلب لرمضان اللي جاي، ولكن اطمنت أما رجع لأسرته وقعد معاهم".
وأضاف أديب، خلال تقديم برنامج "كل يوم"، المذاع عبر فضائية "ON E": "أنا بقول للمشاهدين علشان محدش ضامن، إني قابلت رامز وهو حضني فهل ده جزء من مقلب؟ أو هل كانت فيه كاميرات بتصور؟ ماعرفش".
واختتم حديثة قائلًا: "أنا كنت واضح جدا مع رامز وقلتله إحنا أصحاب، وأنت موهوب -وهو فعلا كده- وقلتله بص يا رامز علشان أبقى أشهدت الله عليكوا، وعليا خليني آجي أعمل حلقة السنة الجاية، وهاخد فيها 100 ألف دولار هاتبرع بيها كلها لمستشفى الأطفال، وقلتله هاعمل إنى مندهش ومتفاجئ، وبقول للمشاهدين لو شفتوني اعرفوا إني اتفقت معاه على كده، واتفقت معاه إني لا هضربه ولا هشتمه وهقوله الله يسامحك".
تابعوا آخر أهل مصر على Google News
