أسامة كمال: "السيسي رفض يدلع الشعب على حساب مصلحة الوطن" (فيديو)
قال الإعلامي أسامة كمال، "إن أيدي الرئيس فى مصر ما بقتش إيدي ناعمة بعد قرب أربع سنين الرئاسة، نفس الرئيس ما كبرتش على حد، وحينما يغضب يغضب ثوانى، يغضب من غلبه، يغضب من اللى شايفه، يغضب وهو فى عينه كلام بيقول هو أنتو ليه مش عايزين تروحوا لبكره، بيغضب كمواطن مصرى".
وقال إن الرئيس عبد الفتاح السيسي، من أفضل الناس الذين قابلتهم في حياتي، فهو مواطن ورئيس محترم يليق بمصر، وهذه شهادة حق للمواطن، وليست مجاملة، لأنه "حط نفسه في وش المدفع زي ما بيقولوا".
أضاف، عبر برنامجه مساء dmc، أن المواطن عبد الفتاح السيسى تحمل عبء بلد، كانت قد وقعت بالفعل، بلد منهارة، لا أمن ولا أقتصاد ولا وحدة صف ولا علاقات دولية وشعب لا يعمل على مدار 3 سنوات، "محدش فينا كان بيحاول أو قادر يشتغل" إلى أن بدأ التغيير بتصرفات وليس الكلام، مضيفاً أن الرئيس حينما قال "مصر أم الدنيا وهتبقى قد الدنيا، ما خلاهوش كلام وبس، لكن خلاه شغل، خطوة ورا خطوة، وطوبة فوق طوبة، لحد ما المكنة دارت وطلعت قماش".
واستكمل إذا كان عبد الفتاح السيسى قال لشريف إسماعيل، أن الناس لو ماقدرتشك ربنا هيقدرك، فأنا أيضا أقول للرئيس عبد الفتاح السيسى وبكل الصدق، ربنا سيكأفأك ويكافئ كل واحد يساعدك ويحاول وسط موج عالى من ناس تانية جوه البلد وجامدين، بس رايحين فى سكة شمال، وسايقين عكس الاتجاه، ربنا يحفظ جيش مصر ويحفظ الرئيس ويحفظ كل واحد بيساعد الرئيس من أقرب واحد لأبعد واحد مش شايفينه، بس بيأدى عمله وهو بيقول البلد مش هتقع بسببى.
أوضح أن هذا رأيه، و"مش ورقتين جايين لى أقراهم"، لكن شهادة حق، لأنه حينما كان على الرئيس السيسي أن يخاف، لم يخاف، وفي الوقت اللي كان مطلوب يراضينا ويدلعنا ولو على حساب مصلحتنا ما عملش، مضيفا "جبتها من كل حاجة حقيقية بنشوفها، جبتها من يوم ما الرئيس لبس البدلة الميرى وراح العريش يطمن العساكر والتحذيرات الأمنية حاولت تمنعه، جبتها النهارده من رئيس ماشى على رمل الجلالة وهو رايح يشوف مش بيسمعهم بيبلغوه أن المشروع خلص".
تابعوا آخر أهل مصر على Google News
