رسالة مبكية من معدة "صبايا الخير" لوالدتها من خلف القضبان

تداول نشطاء مواقع التواصل الاجتماعي، رسالة "مسربة"، من "غرام عيسى" معدة برنامج "صبايا الخير"، إلى والدتها، من داخل محبسها.

وجاء نص الرسالة: "ماما وحشتيني جدًا.. أنا كويسة الحمدلله باكل كويس، متقلقيش عليا إدعيلي دائمًا، أنا عارفة إنك بتدعي ليل ونهار، إن شاء الله أخرج على خير، أكيد ده ابتلاء من ربنا، وأنا بحمد ربنا إنها مجتش في حد من إخواتي، أو فيكي، وبعدين أكيد ده ربنا ليه حكمة فيه، جايز كانت هتحصل حاجة أكبر من كده الحمدلله على كل حاجة بتحصل، سلميلي على طنط نادية وليلى، وتيتا وجدو وخلاني كلهم ومراتات خلاني".

وتابعت: "وقولي لصحابي يفضلوا يدعولي إني أخرج لهم، كلي كويس يا ماما، وخدي بالك من صحتك ومتزعليش، إحمدي ربنا وتأكدي إنه عمره ما هيظلمني؛ لأنه أكثر حد عارف إني مظلومة وشاهد على كده، ادعيلي دائمًا يا ماما".

فيما لاقت الرسالة تضامن عدد كبير من نشطاء "السوشيال ميديا"، معبرين عن حزنهم مما أصاب "غرام"، معتبرينها ضحية الإعلامية ريهام سعيد.