أرملة عمرو وهيب: "شاركنا في الانتخابات علشان نكمل مسيرة الشهيد"

أكدت دعاء إبراهيم، أرملة الشهيد عمرو وهيب، أنها ذهبت إلي صناديق الاقترع هى وأولادها من أجل استكمال مسيرة زوجها الشهيد، الذى ضحى بروحه من أجل الوطن.

وأضافت أرملة الشهيد، في مداخلة هاتفية لبرنامج «هنا القاهرة»، الذي تقدمه الإعلامية بسمة وهبة، والمذاع على فضائية «القاهرة والناس»: «كان عندى شعور بالرغبة في إني أشارك في الانتخابات، ومعايا ابنى ياسين لابس الأفرول بتاع والده، وبناتى كانوا فرحانين جدًا إننا رايحين نكمل مسيرة والدهم، اللي ضحى بحياته من أجل وطنه»،

ووجهت أرملة الشهيد رسالة إلى الإرهابيين، قالت فيها: «لو كنتو قدرتوا تخلصوا من عمرو، فعمرو وكل الشهداء ضحوا بحياتهم عشان البلد دي، وفيه زوجاتهم وولادهم هيكملوا نفس اللى عملوه، وهيعلموا ولادهم إزاى يحبوا البلد دي وإزاي يضحوا بحياتهم عشانها هما كمان».