أثار بناء سور من الحديد علي شاطىء الأنفوشى أمام مسجد المرسي أبو العباس، بمنطقة بحري الإسكندرية، حالة من الغضب والاستياء بين أهالي الإسكندرية لحجبها رؤية البحر عن المواطنين.
وتسببت صورة تم تداولها عبر موقع التواصل الاجتماعي "فيس بوك" تحت عنوان "حتى شاطىء الغلابة مستكترينه عليهم" في موجة من الغضب بين الرواد، حيث يتسبب بناء سور على الكورنيش في حجب رؤية البحر، خاصة وأن البحر يعد متنفساً لهم، حيث أنهم يفضلون التنزه والسير على الكورنيش، والتمتع بمنظر البحر.
وعبر صلاح يوسف، أحد الرواد، عن غضبه قائلا: " إحنا طيشة فى الإسكندرية ولا لنا شبر من رمالها.. يقدر حد يقرب إلا اللي معاه فلوس بس.. والفقير بيدّاس عليه بالجزمة وكل الناس عرفة كدة كويس وأولهم المسؤولين بتوعنا والله العظيم".
فيما علقت سُهيلا حسن، "إيه الفُجر ده!! إزاي يعملوا سور علي البحر بالشكل ده، وإزاي الناس تسكت أصلا.. المفروض يتعمل وقفات هي جنينة حيوانات!!"، وقالت أخري: "في كل الشواطئ كل شخص واخد حتة وقافلها لحسابه ويأخذ فلوس الغلابة".
وأضافت دينا حسن: "مش عارفة بيعملوا كده ليه والله خنقونا وضيقوا علينا"، فيما قال محمد مصطفي: "البحر شكلو بقي يقرف من كُتر الإشغالات اللي عليه.. والله زمان يا اسكندرية".
وقال محمد السيد: "طيب إيه اللي ممكن يتعمل عشان كده كتير بالأمارة مبقاش في مكان يتشاف منه البحر.. نهد الأسوار ولا نرفع قضية علي المحافظة ولا نعمل إيه فيهم".
يذكر أن شاطئ الأنفوشي بالإسكندرية هو ضمن 22 شاطئا يطلق عليها "الخدمة لمن يطلبها"، حددتها الإدارة المركزية للسياحة والمصايف بالإسكندرية للمواطنين وزوار المدينة تديرها المحافظة، وهي "سيدي بشر الخدمة، العصافرة غرب، أبوهيف 1، أبوهيف 2، الأنفوشي الشرقي، الأنفوشي الغربي، رأس التين خدمة، الدخيلة شرقي، الدخيلة غربي، تقسيم الملاح، هدير، سيدى كرير1، سيدي كرير2، أبويوسف 2، مارينا أبويوسف، السلام، زهراء الهانوفيل، أبويوسف 1، فاميلى بيتش، شط إسكندرية، الصفا، هانوفيل خدمة".
في حين حددت الإدارة 7 شواطئ مجانية، هي "جليم، وشهر العسل، والهانوفيل، والمكس، المندرة، السرايا، ميامي" ويسمح فيها للرواد باصطحاب الشماسي والكراسي الخاصة بهم دون دفع رسوم ، وفي حالة رغبة الرواد طلب خدمة تدفع "3 جنيهات للشمسية، وجنيه للكرسي، وجنيه للترابيزة"، فضلا عن استخدام جميع الخدمات من وحدات خلع الملابس ودورات المياه مجانا.
تابعوا آخر أهل مصر على Google News
