بعد 25 سنة من الحب والزواج، وقفت "ريهام "مقصورة أمام محكمة الأسرة في الزنانيري لتطلب نفقة لبنتها العروسة من طليقها قائلة: "رماني بعد ما عرف إنى مريضة بالسرطان " وراح اتجوز واحدة في سن بنته".
على سُلم المحكمة جلست "ريهام 44 سنة "وبجوارها بنتها 22 سنة، محاولة إخفاء وجهها بين كفيها تحكي وهي تبكي وراحت تقول: "اتجوزته وعشت معاة على الوحش قبل الحلو".
بوجه شاحب وملامح تظهر عليه علامات الشقاء والحزن، وعيون مكسورة أرهقتها الدموع تكمل السيدة والدموع على خديها: "تحملت معاه كل الظروف الصعبة حتى مريض والحمد الله على كل شىء.
تتذكر "ريهام" لحظة انقلاب زوجها رأسا على عقب قائلة: " عندما علم بأنى عندى سرطان فى الثدى ولازم يتشال مرت الأيام والشهور وانا مشغولة فى مرضى، وفجاة لقي محضر جيلى وبيقلى انت "ريهام ش م " قلت اة، قالى جوزك طلقك غيابى استلمت من المحضر وانا مش شايفة غير عمرى اللى ضاع فى خدمتة وفى الأخر رمانى علشان مريضة.
وأكملت الزوجة المكلومة في حديثها لـ"أهل مصر": طاب أنا أعمل إيه دا من عند ربنا، رمانى وبنتة عروسة وأنا طول عمري كنت معاه وشلت والدته رحمة الله عليها.
وبعد يأسها تقول ريهام : "أروح فين أنا وبنتى، حسبي الله ونعم الوكيل"، وقررت الزوجة التوجه لمحكمة الأسرة لرفع دعوة نفقة لبنتها، وحملت الدعوى رقم 544 لسنة 2018، ومازالت منظورة ولم يتم الفصل فيها.
تابعوا آخر أهل مصر على Google News
