سادت حالة من الانهيار والتوتر عاشها طلاب الثانوية العامة فى اسيوط بلجنتى الثانوية العامة ومدرسة الحديثة اثناء تادية امتحانات مادتى الكيمياء والجغرافيا الغير متوقعة فى صعوبة الاسئلة كما صرح بعض الطلاب.
وقالت سارة سيد بلجنة مدرسة الحديثة الثانوية هما ليه بيعملو فينا كده ايه الصعوبة دى مشوفناش امتحانات بالاسلوب ده.
وقالت انجى نادى بلجنة الحديثة لا اللى بيحصل معانا محصلش فى مادة الفيزياء اللى كنا متخيلينها من اصعب المواد تيجى الكيمياء اصعب.
واضافت احد اولياء الامور البنات انهارات بسبب صعوبة الامتحانات الكيمياء تبئا اصعب من الفيزياء مكناش متوقعين ده ابدا.
ومن جانبه، أكد صلاح فتحى بدوى وكيل وزارة التربية والتعليم بأسيوط أنه تم توفير جميع الاستعدادات الخاصة بامتحانات الثانوية العامة التي توفر للطلاب والملاحظين والمراقبين سبل الراحة، سواء داخل اللجان أو في الاستراحات ولجان تقدير الدرجات.
ويؤدي طلاب الثانوية العامة امتحان مادتي «الكيمياء، الجغرافيا»، اليوم الخميس، تاسع أيام من امتحانات الدور الأول من شهادة إتمام الثانوية العامة للعام الدراسي ٢٠١٧-٢٠١٨
تابعوا آخر أهل مصر على Google News
