أثار مقترح الإعلامية جيهان منصور الخاص بحصة للسعادة في المدارس المصرية جدلا واسعا وسط أولياء الأمور بين مؤيد ومعارض، وقد وأجرت عبير أحمد، مؤسس اتحاد أمهات مصر للنهوض بالتعليم، استطلاع رأي بين أولياء الأمور علي صفحة الاتحاد الرسمية بـ"فيس بوك، لمعرفة آرائهم في المقترح، حيث لقي معارضة عدد كبير منهم بينما رحب آخرون.
وتفاعل أولياء الأمور الرافضين على الاستطلاع، وقالت إحدي أولياء الأمور: "لو خففوا المناهج وضبطوا العلاقة بين المعلم والطالب واهتموا بالأنشطة، كل ذلك أفيد من حصة سعادة"، وأضاف أخر: "فاقد الشيء لا يعطيه، الحصة دي يستوردوا لها مدرس من خارج مصر".
وأضافت أخرى: "المدرسين أصلا عندهم اكتئاب، وعايزين حصة للرحمة علشان نتعلم إزاي نرحم بعض"، وتابعت أخرى: "أنا من رأيى إنهم يعملوا امتحان كل شهر ويوم النتيجة يكرموا الأولاد ويشجعوهم على النشاط المدرسى، بيتهألي دى هتكون أكتر سعادة، إنما اللى هيا بتقول عليه حصه للسعادة دا كلام فارغ وتضييع وقت"، واستكملت أخري: " بس المدرسين يبطلوا يقرفوا العيال وهما يبقوا سعداء"، وأخري: "محتاجين حصة للضمير والنظافة والمرور، عايزين نطلع جيل محترم علشان يحقق لنفسه السعادة"، وأضافت أخري: " المدرس لو سعيد ونفسيته كويسة هيأثر علي الأولاد ويسعدهم".
بينما رحب عدد آخر من أولياء الأمور بالمقترح، منها: " ياريت، أهو يبقي العيال ليهم نفسية قوية يواجهوا بيها الحياة"، وتابعت أخري: "والله فكرة حلوة جدا، زمان كانوا بيعملولنا يوم رياضي واحنا صغيرين، وكان يوم بنحلف بيه وبنتبسط اوي".
تابعوا آخر أهل مصر على Google News
