هجوم عنيف من سما المصري على ميدو: "احترم نفسك في الكلام معانا"

كتب : منى رجب

وجهت سما المصري رسالة قاسية لكابتن أحمد حسام ميدو، عقب تعليقه على فستان الفنانة رانيا يوسف "انتو مال أبوكو"، وقالت عبر حسابها الشخصي بموقع تبادل الصور والفيديوهات الشهير أنستجرام: "لا لا لا حاسب بس.. احترم نفسك فى الكلام معانا أومال.. أنا واحدة بانتقدها يبقى مال أبويا؟ طب وانت كمان مال أبوك؟ انا حرة انتقدها بمزاجى طب ما فى ناس بتتنقدنى اطلع أقولهم مال أبوكم؟ اختشى على دمك كل واحد له حق النقد طالما مابيجرحش فى حد.. ايه هندبح الناس ونجيب سيرة أبوهم وأمهم علشان بينتقدونا؟".

وأضافت سما المصري: "أنت عاجبك الموضوع ولا هى صاحبتك انتوا أحرار لكن هتجيب سيرة الأب والأم هنجيب سيرة أبوك وأمك دا لو انت قلت كده بجد؟ وبعدين بتقول اللى بينتقدها يتمنى يبوس رجليها، ليه يا حبيبي رجل شجرة الدر ولا إيه؟ أنا بانقدها أهو بس ماعرفش بوس الرجلين، فى ناس تانية اللى تعرفه، ولو مفيش نقد ولا محاسبة لحد كلنا نمشى وهو بيكلم المصريين خلو عندكم دم شوية بلاش التعالى ع الناس دا.. لبس زفت قلنا لبسها وحش.. ما كفرناش يعنى بتدخل الأب والأم فى الموضوع ليه باه؟".

وأختتمت "المصري": "عيب على اسمك وتاريخك تتكلم كده مع الناس.. أنت بتكلم بنى آدمين ذيهم، أنت مش أحسن منهم، ولا على رأسك ريشة ياسى كابتن أنت".