كشف باسم مرسي، مهاجم الفريق الأول لكرة القدم بنادي الزمالك، والذي كان معار إلى الدوري اليوناني، تفاصيل فسخ إعارته مع سموحة، وذلك بعد توقيعه عقود الانضمام للنادي السكندري، خلال فترة الانتقالات الشتوية الجارية، حتى نهاية الموسم الجاري.
كتب باسم مرسي عبر حسابه الشخصي على موقع التدوينات الصغيرة " تويتر ": " تلقيت اليوم اتصال من مسئول في نادي الزمالك يطالبني بالرجوع، قالي بالنص "عندي ليك مفاجأة الزمالك عايزك ترجع وتروح نادي تاني بدل سموحة" أحنا اللى أخرنا البطاقة الدولية علشان لو كنت لعبت الماتش مكناش هنعرف نرجعك".
وأضاف: " بسبب موضوع معين بقيت أنا طرف فيه بدون إرادتي .. دلوقتي قدامي اختيار من اثنين الأول أني ألعب في الزمالك والمدرب مش عايزني بألف جنيه فى ست شهور والاختيار الثاني أني انتقل لفريق ترتيبه الأخير في الدوري ومن المتوقع أن يهبط .. هل أنا بعد ما لعبت أربع مواسم في الزمالك حصلنا فيهم على 5 بطولات وأحرزت 53 جول يكون ده مصيري من مسئولين نادي الزمالك".
وأكمل باسم مرسي: " قبل كده أنا مكنتش بطلع أتكلم .. بس الموضوع يوصل أن يتقال أن التأخير بسببي في موضوع البطاقة الدولية وتشوية سمعتي أن ده بسبب خلاف مادي بينى وبين النادي اليوناني فده مش صحيح.. أنا عقدي اتفسخ رسمي من الاتحاد اليوناني.. لو مكنش اتفسخ رسمي مكنتش يحقلي أني أتمرن في سموحة".
واسطرد قائلًا: " أنا في وقت إقامتي كاملة في اليونان حصلت على 5 آلاف يورو فقط واتنازلت عن جميع مستحقاتي للزمالك وجددت سنتين اتنازلت فيهم عن 4 ملايين جنيه عشان يوافقوا على احترافي وعند انتقالي إعارة لسموحة جددت سنة كمان على بياض".
وتابع باسم مرسي: "أنا هرجع الزمالك مش لو بألف جنيه لو ببلاش لأن شرف ليا أنى ألعب في نادي الزمالك .. مكنتش حابب أتكلم رغم اتصال عدة برامج بيا من وقت وصولي للقاهرة لتوضيح أمور بمقابل مادي بس أنا كنت برفض .. أنا حاليا بعد ما استقريت في الإسكندرية ونقلت أسرتي وأغراضي واستأجرت محل سكن تم إبلاغي أني لازم ألغي كل ده وأرجع حالا يا أقعد ست شهور في البيت".
واختتم باسم مرسي تصريحاته قائلًا: "يارب الناس اللي كانت بتتهمني أني مقصر طول الوقت وبعمل مشاكل تكون الصورة واضحة لهم .. أنا طول الوقت بتحط في مشاكل أنا مش سبب فيها .. آسف على التطويل بس كان لازم التوضيح".
تابعوا آخر أهل مصر على Google News
