السيدة نجاة الجافي والدة الشهيد ضياء فتحي ضابط المفرقعات الذي استشهد جراء انفجار قنبلة أثناء تفكيكها بشارع الهرم في يناير 2015، فهي تضرب أروع الأمثلة في الصبر والثبات وتراها دائما ما تقوي رفيقاتها من أمهات الشهداء وتشد من أزرهم وتحملهم على مجاهدة أنفسهن في تحمل ابتلاء فقد أبناءهم وتذكرهم مرارا في كل لقاءاتهم بأنهم صاحبات مكانة عالية عند رب العالمين، فليصبروا ويحتسبوا حتى يتلقوا الجزاء من الله الأعظم.
اقرأ أيضا.. أرملة الشهيد هشام العزب: 25 يناير عيد الشرطة بس والثورة هي 30 يونيو (فيديو)
وروت والدة الشهيد ضياء فتحي لـ "أهل مصر "، عن ذكرياتها قائلةً: في عيد الشرطة بالذات هو يوم كان بيحبه "ضياء" علشان فيه تكريم ومكافآت وحوافز ليهم وكل الضباط بتفرح فيه، ومن بعده أنا بحتفل بيه علشان احس انه لسة موجود ، فبشوف كل ضباط الشرطة ولادي علشان كده بنزل في اليوم ده أشتري بعض الشيكولاته والحلوى والورود ، وأذهب بيهم إلى قسم الطالبية اللي ضياء أنقذه من التفجير، وانفجرت فيه القنبلة وهو بيحاول يفككها، هو خد كل الانفجار في جسمه، بذهب كمان لنقطة المطافي إلى كان ليه مكتب فيها، وإدارة الحماية المدنية وأشوف أصحابه ورؤساءه وكل مكان هو أشتغل فيه، بحس وقتها أنه شايفني وأنا شايفاه، وبكدة بخلي اليوم ده يعدي وانا بحاول أحتفل مع نفسي وأهون عليها، وكل عيد شرطة بعمل ده، … مدام ربنا أختاره مع الشهداء ليه أعترض ، صابرة ومحتسبه وعذائي مكانته العليا عند ربنا، وسبحانه وتعالى قال وبشر الصابرين الذين إذا إصابتهم مصيبة قالوا، أنا لله وأنا إلية راجعون، وأنا قولتها أول ما شفت أبني "أشلاء" داخل بدلته إلى بتمنع تتناثر الجثة لحظة الانفجار، ومنعت أي حد كان بيعيط عليه وقولتلهم دا شهيد حبيب الله، بدعي لكل أمهات الشهداء وكل أم ضابط ومجند عايش ربنا يحميهم ويحفظهم وربنا يعين ضباط العملية الشاملة في سيناء جيش وشرطة، ويقوي الريس السيسي، وبلدنا ها تعدي من محنتها بشجاعة ولادنا الأبطال وكلنا هانفرح، بس مش هانسي الوجع لأن أي نار بتصبح رماد إلا نار الضنا.
تابعوا آخر أهل مصر على Google News
