أعربت الفنانة ريهام حجاج، عن غضبها بسبب نشر بعض المواقع الإخبارية صورتها من 15 عام مع طليقها، بجانب إتهام البعض لها بخطف الرجالة، بعد زواجها من طليق الفنانة ياسمين عبد العزيز، وهو ما جعلها تنشر صورتها مع طليقها عبر صفحتها الرسمية على موقع الصور "انستجرام"، وتعلق عليها قائلة: "الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على انها شئ ممكن يضايقني، أحب أقولهم إطلاقا.. كل محاولات التشويه اللي عمالة تحصل لواحدة اتجوزت على سنة الله ورسوله من راجل مطلق أصلا إن دلت على شئ فتدل على مرض النفوس".
اقرأ ايضاً..بسبب السرطان.. إليسا تجري عملية جديدة في يدها اليمنى
وأضافت، "نصيحة للستات الفاضية.. مافيش راجل بيتسرق الناس بتتجوز وتطلق عادي وكل شئ قسمة ونصيب وربنا اللي بيبقى كاتب ومقدر".
وتابعت، "بلاش تفاهة ولو كل واحد طلع صورته من خمستاشر سنة حايلاقي شكله اختلف عادي (خاصة صور الأفراح اللي فيها ٣ كيلو ماكياچ) دا رسمة الحواجب بتفرق.. المهم الجوهر وأنا مافيش حاجة في حياتي ممكن اتكسف منها واللي حاصل دا ما شئ غير تفاهة وحقد عشان دا جواز".
واستطردت، "اللي الناس بتباركلي عليه.. لا خبر بقضية قتل ولا فضيحة مخلة للآداب.. كفاية هري وصحافة صفرا طبعا الكلام دا للمرضي النفسيين أما كل الناس الطبيعية اللي باركتلي وفرحتلي وماعرفتش ارد عليهم من كترهم، بشكرهم وبقولهم يا رب مسلسل كارمن يعجبكم، يوم ١٠ فبراير على الـ سي بي سي إن شاء الله".
تابعوا آخر أهل مصر على Google News
