علقت الدكتورة منى مينا وكيل نقابة الأطباء، على المقترح المقدم للبرلمان لمنع سفر الأطباء عدة سنوات بعد التخرج لحل مشكلة العجز في عدد الأطباء، قائلة: "ده لو دخل في الجد ها نلاقي محدش راضي يدخل كليات الطب"، وأشارت إلى حديثها من قبل على منع الإجازات بدون مرتب، وأنه لن يحل مشاكل العجز وإنما سيؤدي لزيادة الاستقالات قائلة: "محدش سمع لنا والعجز تزايد"، وأضافت: لو تطور الموضوع لمنع السفر عموما- اللي هو طبعا اجراء غير دستوري تماما- ها ينخفض الاقبال على كليات الطب ومش هنسد العجز".
وكتبت عبر حسابها على "فيس بوك" "مينا": يا سادة يا كرام لو حضراتكم محتاجين أطباء في البلد دي لازم تدوا لهم حقوقهم أو حتى نص حقوقهم.. وتبطلوا تعلقوا عليهم كل فشل وعجز منظومة الصحة .. وتحرضوا المواطنين عليهم ليل نهار.. إنما بدل عدوى 19 جنيه، و 45 جنيه مقابل نوبتجية عمل 12 ساعة، واعتداءات يومية ..ومشاكل رهيبة في ايجاد فرصة للدراسات العليا أو التدريب .. يبقى الأطباء ها تطفش أكيد".
وتابعت: "لو وصل الأمر للفكرة النيرة بتاعة منع السفر يبقى محدش ها يدخل طب من أصله.. ما فيش لحل مشاكل عجز الأطباء الرهيب غير انكم تقرروا تدوا لهم حقهم".
تابعوا آخر أهل مصر على Google News
