تعاطف عدد كبير من أصدقاء الفنانة الشابة منى فاروق معها، سواء داخل الوسط الفني أو خارجه، وبدأ بعضهم في توجيه الدعم لها، وإظهار الجانب الآخر الذي لايعرفه الأخرين عنها، كونها إنسانة جدعة وطيبة ويطالبون بعدم فضحها، وذلك بعد ظهور منى فاروق وشيما الحاج في مقطع فيديو لهما، وضحت منى فاروق من خلاله ما حدث معها، في انهيار، وطلبت من الجميع الرحمة، وعدم فضحها أكثر من ذلك، بعد تخلي أقرب الناس عنها من عائلتها وأصدقائها، وأن منى فاروق كانت ضحية للمخرج السينمائي الشهير خالد يوسف، لذلك يرصد لكم "أهل مصر"، تعليقات بعض الفنانين على منى فاروق بعد هذه الواقعة، كما يلي.
اقرأ ايضا..بعد المطالبة بذبحهما.. الجمهور يتعاطف مع منى فاروق وشيما الحاج: ضحايا خالد يوسف
محمود متولي
نشر الفنان الشاب محمود متولي، صورة له برفقة منى فاروق الذي تربطه بها علاقة صداقة، موجهًا رسالة طويلة عنها، حتى يعرف جمهورها من هي منى فاروق، وذلك عبر صفحته الشخصية بالفيسبوك قائلاً: "أيوة هى مني فاروق زميلتي واللى بدأنا حلمنا سوا، الجدعة بنت البلد اللى ضحكتها مكانتش بتفارقها، اللى كانت فى أى مناسبة هى تبدأ وتدخل على أى جروب احنا فيه سوا من أول مابدأنا على الواتس آب تدخل تقول كل سنة وانتوا طيبين ومع بعض، أول واحدة ممكن تباركلك برسالة أو تليفون على حاجة عملتها وفى عيد ميلادك تجمع الناس".
وتابع عن منى فاروق: "أيوة هى اللى وقت ما احتاجتها طبطبت عليا وساعدتنى، هى إنسانة طاقتها حلوة وبتدخل أى مكان وهى مبتسمة ومبهجة وكان عندها حلم نفسها تحققه، هي اللى انتوا مرحمتوهاش لما وقعت، ودلوقتي انطفت واتوجعت وحياتها باظت، هى غلطت بس احنا اللى بنحاسبها وبندمرها نفسيا ونسينا إن فيه ربنا فوق، حقك عليا يا منى.. أنا مكنتش عايز أكتب حاجة عن الموضوع.. بس طالما انتى ظهرتي واتكلمتي يبقي واجب عليا أكتب اللى انتى تستحقية، ارحموا الناس أرجوكوا.. واستروهم ربنا يستركوا دنيا وآخرة".
نشوى مصطفى
علقت الفنانة نشوى مصطفى على أزمة منى فاروق بعد كلامها الأخير في الفيديو، عبر حسابها الشخصي على "فيسبوك" قائلة: "يارب نجيها من الكرب اللي هى فيه، شفت الفيديو اللي البنت بتعتذر فيه صعبت عليا اوى اوى — ادعو لهم — ربنا يستر علينا كلنا — واستغفر الله العظيم لى ولوالدي ولأصحاب الحقوق علي".
مصطفى الدمرداش
كما علق الفنان الشاب مصطفى الدمرداش، على منى فاروق من خلال نشر صورة لها وهي تبكي أثناء حديثها عن القضية، وذلك عبر حسابه الشخصي على فيسبوك قائلاً: "بجد كمية السخف والانحطاط الأخلاقي وكمية النفاق اللي بقوا متطبعين فينا لا توصف ارحموا من في الأرض يرحمكم من في السماء كفاية شير وفضايح على منى فاروق وغيره وغيره كل الموضوع إن نصيبها من الستر خلص وربنا اراد إن خطأها يطلع للعلن زي ما هو اختبار صعب ليها هو اختبار لينا هل هنرحمها؟ هل هنقف جمبها باعتبار اننا كلنا نفس المخلوق الخطأ؟ ولا هندعي الشرف وهنبصلها بمنتهى الدونية والاحتقار مع اننا عملنا بلاوي ويمكن أفظع بس نصيبنا من الستر لسه لصالحنا لعلنا نتوب ونستغفر قبل الفضيحة اللي عاجلا أم اجلا هتيجي لو متبناش، من فرج على مسلم كربه فرج الله كربه يوم القيامة، ومن ستر مسلم في الدنيا ستره الله يوم القيامة، كفاية شير يا جماعة عشان هيا عندها عيلة كاملة ممكن تدمر بسببنا من غير ما نحس، ويارب كلنا نرتقي ونقف جمب بعض في المصيبة قبل الفرح، ياريت تفتكروا الجملة دي كويس، إن احنا مخلوق ضعيف وخطأ عشان ندوق ونحس جمال التوبة، محدش فينا ملاك ومحدش فينا مبيغلطش".
تابعوا آخر أهل مصر على Google News
