تحل اليوم، الذكرى الـ62 لميلاد "نفرتيتي السينما المصرية"، فرعونية الملامح الفنانة القديرة سوسن بدر، وهي ابنة الممثلة آمال سالم، وبدأت حياتها الفنية بالدراسة فى معهد الفنون المسرحية، واختارها شادي عبد السلام، الذي أطلق عليها مقولته الشهيرة «هربانة من معبد»، لتجسيد دور نفرتيتي في فيلمه «إخناتون»، الذي لم يكتمل ولم يخرج للنور.
اختيار شادي عبد السلام لـسوسن بدر فى فيلم «إخناتون»
وفي إحدى اللقاءات التليفزيونية السابقة لـسوسن بدر، كشفت عن كواليس اختيارها فى المشاركة فى فيلم «إخناتون»، فأشارت إلى أن المخرج شادي عبد السلام، كان يحضر لفيلم «نفرتيتي واخناتون» وكانت وقتها في السنة الأولى من معهد الفنون المسرحية، وكانت تحضر مسرحية مطلوب عمل بحث عنها فى المسرح، ولأنها كانت طالبة فى المعهد، فكان يسمح لها بدخول المسرح مجانا لعمل البحوث.
وتتابع سوسن بدر حديثها: «وفي الاستراحة لاقيت راجل وقور جدا بيقولي فيه حد عايز يشوفك.. فروحت وكنا قاعدين فقال لى أهو واقف هناك..لاقيت راجل زي القمر لابس بالطو على اكتافه مكنش بيلبس الأيدين بتاعته كان بيحب يحطوا بس على اكتافه.. قاللي مزمزيل تحبي تمثلي.. أنا طالبة في المعهد أحب جدًا يافندم مبحبش أي حاجة خالص في الدنيا.. قالي بكرة تعاليلي استوديو النحاس الصبح.. كان هو مدير الاستديو.. زمايلي اللي كانوا قاعدين جمبي قالولي مين دا قلتلهم ده الأستاذ شادي عبد السلام وحكيتلهم قال لي ايه فرحولي جدًا».
وأردفت سوسن بدر: «وقتها لما روحت ليه الاستوديو عرف أنى طالبة في المعهد، وقالي هو بيعمل أيه وخدلي صور فوتوغرافية كتير وعملي رتوش فرعونية بأيده على وشي بأدوات مكياج بسيطة شبه الكحل الفرعونى عمل شغل حلو وقالي أنا بعمل كذا روحت فعالم تانى بعد شوية ابتدى يعلمني».
اقرأ ايضاً: عقب حلقة أبو العروسة 119 .. ولاء الشريف تشيد بسوسن بدر (صور)
https://www.ahlmasrnews.com/818913
تعثر فيلم «إخناتون»
وأعربت سوسن بدر عن حزنها قائلة: «ميزانية الفيلم كانت عالية جدا والأستاذ شادي للأسف مكنش قادر لوحده بالتأكيد وكان لازم الدولة ووزارة السياحة والثقافة تساعده وتدعمه.. معرفش يعمل ده وقتها مكنش فيه اهتمام أوي بالفيلم فمطلعش متعملش ولا يمكن يتعمل ولسة السيناريو موجود.. ووقتها جاله تمويل أجنبي ورفضه وغيرلي أسمي لأنه كان شايف ان أسمي خواجة وكان بيرفض أي حاجة لها علاقة بحاجة خوجاتي انها تنزل على التترات بتاعته .. فيلم عن مصر والمصريين وعيب يبقي فيه حاجة زي كدا».
وأضافت «بدر»: «وقتها قلت له أقبل التمويل زعل مني جدا، بس النهاردة بحترمه أكتر وعرفت ازاي رفض ومات من غير مايعمل حلمه ده علشان يفضل متمسك بمبدأ وحلم مصري إن الفيلم مصري، وهيتعمل بفلوس مصرية مهما كان التمن حتى لو كان انه ميتعملش.. النهاردة نفسي ده بعد التجربة دي كلها الأستاذ شادي كان عنده حق أنه يرفض».
تابعوا آخر أهل مصر على Google News
