امتحان الأحياء أولى ثانوى 2019 الترم التانى، قال" أحمد" أحد الطلاب بمدرسة بحطيط الثانوية المشتركة بالشرقية، حول امتحان الأحياء أولى ثانوى 2019 الترم التانى: "الامتحان سهل، بس لدي تعقيب بسيط، الإنترنت بيكون بطئ جدًا أول مادخلنا اللجنة لايوجد اتصال بالإنترنت.. فضلنا حوالي نصف ساعة لحد مااشتغل وكل ده بيعدي من وقتنا".
امتحان الأحياء أولى ثانوى 2019 الترم التانى
وأضاف: "احنا مبنعرفش نستعمل القلم عشان نكتب على التابلت، وامتحان مادة الأحياء كان متوسط وفي أسئلة خارج المنهج تعتمد على التفكير أكثر من الفهم".
وذكرت الطالبة "فايزة": "احنا محتاجين وقت أكتر، لأن الأسئلة كلها مكنتش من داخل المنهج لكن نظام التابلت كويس".
وتابعت "فرح" "إحدى الطالبات: "امتحان مادة الاحياء كان سهل ونظام التابلت كويس والشبكة كانت كويسة، وبعض الأسئلة كانت من خارج المنهج، لكن الامتحان كان معتمد عل الفهم".
وأكد "رمضان عبدالحميد" وكيل أول وزارة التربية والتعليم بالشرقية، أن الامتحانات تسير في أجواء هادئة وبدون مشاكل، وأن الأسئلة من داخل المنهج المدرسي، مشددًا على التصدي بكل حزم لمحاولات الغش أو الخروج عن القواعد المنظمة للامتحانات".
تابعوا آخر أهل مصر على Google News
