أثارت صفحة أنشئت على موقع التواصل الاجتماعي فيس بوك مؤخرا تحت عنوان "صاحب للإيجار"، سخرية رواد التواصل الاجتماعي حيث أعلنت أنها تساعد في توفير صديق أو صديقة للذهاب لأي مكان؛ وهو الأمر الذي أثار موجة غضب أيضا واعتبره البعض محاولة تخالف العادات والتقاليد ومجرد دعابة في واقع افتراضي لا وجود لها.
ونشرت الصفحة في إعلانها تقول: "بص/ي أي حاجة أنت عاوزها أو عاوزاها هنعملهالك بس كلمنا.. عندك اجتماع وعاوز حد يروحه معاك كلمنا.. عاوز واحدة تناسبك تمثل إنك مرتبط بيها ليلة كاملة كلمنا.. عاوزة حد يروح معاكي السينما وتاكله في حتة حلوة بعدها كلمينا.. إحنا بنأجرلك صاحبك".
وأثارت الصفحة حالة متباينة من السخرية والاستياء بين نشطاء مواقع التواصل الاجتماعي، في الساعات الماضية، حيث علق أحد المغردين قائلا: مثلوا علي بعضكم أكتر وسيبوا مرضكم النفسي يسيطر عليكو بدل متتعالجو".. وقال آخر: هتروحي بينا فين تاني يا مصر"، وآخر: "اللهم نيزك بقى ونخلص"، وقالت فتاة: "لو سمحت عايزا 3 صحاب كدة لمدة سنه كامله عشان صحبتي مبقتش بتبصلي حتي".. وغرد آخر: ايه ده في ايه .. هم لاقوا حل للسناجل!! دا معناه انه مفيش أمل خلاص؟".
تابعوا آخر أهل مصر على Google News
