شاركت الإعلامية ريهام سعيد، متابعيها، عبر حسابها الرسمي على موقع تبادل الصور والفيديوهات "إنستجرام"، صورة جديدة لها بعد تعافيها من أزمتها الصحية الأخيرة التي لحقت بها.
ريهام سعيد ترجع لحياتها الطبيعية بعد شفائها
وقالت ريهام سعيد : "الدكتور سمح لي بالعودة لحياتي الطبيعيه، وبيقول لي ده حصل معجزة، المعجزة دي حصلت بدعائكم، بجد شكرا"، وتفاعل معها الجمهور بالعديد من التعليقات المساندة لها.
وكانت الإعلامية ريهام سعيد، كشفت منذ أسابيع عن إصابتها بمرض خطير في الوجه، هدد حياتها في الأيام الأولى من اكتشافه، حتى تخطت مرحلة الخطر، كم نشرت ريهام سعيد تسجيلًا صوتيًا كشفت فيه عن حالتها الصحية قائلة: "أنا فى حاجات كتير عايزة اتكلم عنها بس هتكلم عنها بعدين باستفاضة معنديش مرض جلدي، ووشي مبيقعش وأنا صحياً أحسن هتكلم فى حلقة على الحياة".
وتابعت ريهام سعيد: "باختصار شديد معنديش مرض جلدى ووشى مش بيقع، وأول مرة أحس أن الناس مهتمة بالتفاصيل الطبية دى معرفش ليه، اتهام البعض أنى بمثل أنى عيانة، وهرد عليها أن شاء الله، أنا باختصار عشان حصلى مشاكل الـ4 سنين اللى فاتوا، وكنت بتظاهر بالقوة والصمود، ومصممة أنى أكمل عشان ولادى، والناس اللى فى رقبتى".
واكملت ريهام سعيد: " الأمراض أثرت على جهاز المناعة وممكن ألقط أى مرض بسهولة جالى ميكروب فى الحتة اللى جنب مناخيرى ودى تسمى مثلث الموت، وصعب تتعالج بأدوية لأن المكان ده مش بيوصل الدم، وعملت عملية شلت مناخيرى بالغضاريف والعضم، وكان المفروض أفضل مناخيرى مشوه، وربنا رزقنى بدكتور أنقذ حياتى وعمل مناخير جديدة أخذ غضاريف من الودن”.
اقرأ ايضا: هكذا استقبل الجمهور شائعة وفاة ريهام سعيد
واختتمت ريهام سعيد:"ما زال حياتى مهددة بالخطر من هذا الميكروب منعرفش أذا كان لسه موجود ولا لا ومن خطورته أنه ممكن أن يصل للمخ، ومش معنى أنى نزلت الشارع يبقى خفيت، وكان مطلوب مني الراحة التامة، بقالى شهرين تعبانة وبعانى من كده".
تابعوا آخر أهل مصر على Google News
