أحمد موسي: "المسئول اللي بيمسك العصاية من النص مايلزمناش" (فيديو)

أكد الإعلامي أحمد موسى، أهمية العمل ضد الدول المعادية لمصر مثل قطر وتركيا، معلقا « لازم نشتغل ضدهم ونخليهم ينشغلوا بالداخل عندهم، لأنهم بيستهدفوا إحداث مشاكل تشغلنا ومانقدرش نواجههم ونسيب الساحة لعناصرهم النائمة الموجودين في مؤسساتنا».

اقرأ أيضاً.. أحمد موسي: نؤيد الثورة القطرية ونعلن "ارحل يا تميم" (فيديو)

وأضاف «موسى» خلال برنامج «على مسئوليتي» المذاع عبر فضائية «صدى البلد» :«لما المسئول يلاقي حد إخواني بيحرض ضد بلده، هو وضميره، لازم يتخذ إجراء ضده ويكون على قدر المسئولية، مش هنفضل نطبطب على الإخوان وهما عايزين يهدموا الدولة المصرية».

وتابع :«المسئول اللي بيمسك العصاية من النص مايلزمناش، لأن البلد أهم والبلد هي الأبقى والأقوى، ودايما بقولها بأعلى صوت إننا بندعم جيشنا ورئيسنا»، موضحًا :«لازم تدافع عن بلدك من غير ماتتراجع أو تتزحزح».

واستطرد :«هيشتغل أيضا على البرلمان وكل المؤسسات اللي واقفه جنب البلد، زي رئيس مجلس النواب الدكتور علي عبد العال».