حالة من الحزن يعيشها أبناء الفنان الراحل طلعت زكريا، وكذلك بنات زوجته شيرين المنزلاوي، بعد وفاته وحرص كل منهم على كتابة نعي له عبر حسابه بموقع الصور والفيديوهات الشهير "إنستجرام"، نرصدها لكم.
إيمي طلعت زكريا
نشرت إيمي طلعت زكريا صورة لها برفقة والدها الراحل وهو يحتضنها عبر حسابها وكتبت كلمات مؤثرة وهي: "مع السلامة يانور عينى اشوفك قريب ف الجنه ااااااااه ياقلبى اللى بينزف من بعدك ربنا يرحمك ياحبيبى ويصبرنى على فراق حضنك مش هقول كلمه بابا تانى اللهم ثبته عند السؤال يارب هتوحشنى ياطاطا".
عمر طلعت زكريا
وكتب نجله عمر طلعت زكريا: "ربنا يرحمك يا حبيبي ويجمعني بيك في الجنه، اللهم صبر اللهم قوه أنا لله وأنا اليه راجعون".
كما نشر فيديو من تشييع جثمان والده وكتب: " ماذا بينك وبين ربك لكي يرزقك كل هذا الحب ربنا يرحمك ويجمعني بيك في الجنه يا حبيبي".
هنا الزاهد
وكتبت الفنانة هنا الزاهد عبر حسابها على موقع "إنستجرام"، كلمات مؤثرة لزوج والدتها طلعت زكريا: "" دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين".
وتابعت هنا الزاهد: "انا فاتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك، عمري مقولت اصلا تقريبا بابا غير ليك، كنت بجري عليك اول معمل حاجة غلط عشان تدافع عني قدام ماما، فكرة اول بيض اومليت وقولتلي اعملي مطعم بالهنا و الشفاه واديتني ١٠٠ جنيه عشان تشجعني اطبخ".
وأضافت: "كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت وعيطت اليوم ده انا عمري محسيت انك مش ابويا اللي مخلفني انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي، ارجو الدعاء".
فرح الزاهد
ونشرت فرح الزاهد الابنة الوسطى لزوجته شيرين المنزلاوي صورة طلعت زكريا، وكتبت: "إنا لله و إنا إليه راجعون الله يرحمك كنت لي أحن أب و أقوي سند نرجوا منكم الدعاء".
نور الزاهد
كما أن نور الزاهد الشقيقة الصغرى لهنا الزاهد كتبت نعت طلعت زكريا وكتبت: "مش هنساك ابدًا، بحبك اوي يا اطيب و احن اب في الدنيا، إن الله و إن إليه راجعون أرجو الدعاء".
تابعوا آخر أهل مصر على Google News
