دعم الفنان حاتم فهمي، المطرب رامي جمال بعد إعلانه بإصابته بمرض البهاق، وكتب فهمي عبر حسابه بموقع الصور والفيديوهات "إنستجرام": " ربنا يشفيك ويعافيك يا حبيبي كلنا معاك و فظهرك والحمد لله على كل شيء .. وأحلى حاجة انت قلتها إنك تسلم أمرك لله وتكمل في فنك وكل حاجة هتبقى تمام بأمر الله".
اقرأ أيضًا.. انت جميل في كل حالاتك.. الجمهور يدعم رامي جمال بعد تأثره بمرضه
رامي جمال
مرض البهاق
رامي جمال يكشف عن مرضه
كشف رامي جمال عن إصابته بمرض البهاق بعد ظهور بقع بيضاء اللون بمناطق بجسده، وشارك متابعيه وجمهوره عبر حسابه الرسمي على موقع التواصل الاجتماعي "فيس بوك"، وقال رامى جمال: "الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".
وواصل رامي جمال قائلا: "رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى".
وتابع قائلا: "أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة".
واختتم حديثه: "لقيت إن عندي حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو".
تابعوا آخر أهل مصر على Google News
