السيسي: "أصر على توعية المصريين عشان محدش يخليكم تهدوا بلدكم"

كتب :

أكد الرئيس عبد الفتاح السيسي، على ضرورة توعية المصريين بما تقوم به الدولة من مشرعات كبيرة حتى لا يشوه أحد الدولة ممن يروجون الشائعات، مشيرًا إلى أنه تم إنفاق أموال ضخمة في هذا المضمار.

جاء هذا خلال افتتاح عدد من المشروعات التنموية والقومية بمحافظة دمياط، اليوم الثلاثاء بحضور عدد من كبار رجال الدولة.

وتابع: "أنا بقول كدة ليه؟، بقول عشان يبقى عندنا مناعة من ان حد ياخدنا ويدمر بلدنا... هفضل اكررها ومش هبطل، شبابنا الصغير لازم نوعيه اللي كان عنده 10 سنين في 2011 دلوقتي كبر فمحتاج نوعيه، واتمنى المسئولين يعملوا كدة، التوعية مش على مدة زمنية بس وبعيدن نقف، التوعية في الجامعة وفي المسجد والكنيسة والمدرسة، مصر بينا وباستقرارنا".

وأكمل: "هو أنا بقول كدة ليه؟ هو في حاجة؟.. والله ما في حاجة بس انا ببص على السنين الجاية، خلاص احنا اتحركنا ومش هنرجع تاني للواراء، متحركين بشكل أفضل من رائع وهنستمر فيه بجهدكم وبصبركم، كان في وضع اقتصادي كارثي والنهاردة بنتحسن ما شاء الله".

وكان قد افتتح الرئيس عبد الفتاح السيسى، عددًا من المشروعات القومية الكبرى، عبر الفيديو كونفرانس اليوم الثلاثاء بمحافظة دمياط، في حضور كبار رجال الدولة.ومن المشروعات التي افتتحها "السيسي" اليوم، فندق اللسان أول فندق 5 نجوم بمنطقة التا بمدينة رأس البر، ومشروع إسكان بدار مصر والذى يضم 194 عمارة بمدينة دمياط الجديدة.ومن المقرر أن يفتتح فندق اللسان برأس البر، أول فندق 5 نجوم في منطقة الدلتا، وتم تشييده بمنطقة التقاء البحر والنهر بأحد البقاع الساحرة على مستوى العالم، على مساحة ٤٢٠٠م٢ ويضم ١٤٢ غرفة و١٥ جناحا، بالإضافة إلى ٤ قاعات للاحتفالات والمؤتمرات ومطاعم وكافيتريات، حيث تديره واحدة من كبرى الشركات العالمية المتخصصة في إدارة الفنادق.