علا ألفت تعلق على إطلالة أصالة الجذابة بعد إنفصالها: "الطلاق ما بيخليش الست تحلو"

كتب : منى رجب

نشرت الفنانة علا ألفت، صورة لإطلالة النجمة السورية أصالة نصري بعد انفصالها عن المخرج طارق العريان، والتي أظهرت للجميع أناقتها وجمالها، وذلك عبر حسابها الشخصي بموقع تبادل الصور والفيديوهات الشهير إنستجرام.

وعلقت "علا" على صورة أصالة، قائلة: "الطلاق ما بيخليش الست تحلو، الطلاق ما بيخليهاش تنور، أن أسرة تتفك وبيت ينقصه فرد مش حاجة مبهجة.ده لو رجل انسان طبعا، الست بعد الطلاق ممكن تنجح..تاخد بالها من شكلها وجسمها.. تعمل علاقات اكتر، والست لو احلوت ونورت بعد الطلاق ف ده مش عشان الطلاق جميل وهاتلنا منه باكو واتنين. لكن عشان اكيد كانت في علاقة، مستنزفاها وأذياها شهور وسنين.. كان لازم تخرج منها. زى ناس كتير اوى وانا شخصيا كنت كده، الست بتنور بعد الطلاق عشان هى أصلا ف الأصل ست منورة رجعلها نورها من تانى".

وتابعت: "الطلاق مش اوبشن، الطلاق ورقة أخيرة ربنا أحلها لما العشرة تستحيل والناس تبقى عايشة بتفقد كل يوم حتة من صحتها العقلية وسلامها النفسي، بطلو تروجو للطلاق على أنه حدث جميل، وياللا ياستات اتطلقو وانطلقوا وهيييه شفته بقت قمر ازاى، الطلاق حدث جلل.. لازم نخاف منه.. من أول واحنا بنختار شريكنا لحد آخر محاولة عشان الحياة تستقيم. اختاروا كويس، الطلاق مش بيحلى البعد عن المشاكل واصحابها هو اللى بيحلى".

إنفصال أصالة وطارق العريان

يشار إلى أنه أعلنت الفنانة السورية أصالة أمس الاثنين، من خلال حسابها الرسمي على موقع تبادل الصور والفيديوهات الشهير"إنستجرام، انفصالها عن زوجها المخرج المصري طارق العريان بعد زواج دام نحو 14 عاما.