أعلن المطرب الشعبي عمر كمال، عن إنتهائه من تقديم أغنية جديدة لدعم طاقم التمريض، وتقديراً على مجهوداتهم في التخطي لفيروس كورونا المستجد، وأشار عمر كمال إلى أنه سوف يصور الأغنية يوم الخميس المقبل، وذلك بعد أن طرح المطرب حسن شاكوش أغنية جيشنا الأبيض للدكاترة.
عمر كمال يدعم طاقم التمريض بأغنية جديدة
وكتب عمر كمال، عبر حسابه الشخصي بموقع التواصل الإجتماعي فيسبوك: "البوست ده شكر لكل ممرض وكل ممرضة فعلا دول الجنود الخفية اللى محدش بيجيب سيرتهم خالص ... واجب علينا نشكرهم زى ما بنشكر الدكاترة .. الناس ديه فعلا حقهم مهدور .. عملتلهم عمل فنى محترم يليق بيهم وبتعبهم والله وخلصتوا وهنصوروا يوم الخميس ان شاء الله حاجة تليق بيهم عشان نقول اننا مش ناسينهم و هينزل علطول بعد التصوير ويارب تكون رسالة حب ليهم".
وتابع: "واني واحد من الناس بعد ما الأزمة تعدى ف شغلى ك افراح ومناسبات لازم زى ما بنروح دارات القوات المسلحة بأسعار مخفضة ف الأفراح والمناسبات .. لازم الممرضين والدكاترة والمسعفين والصيادلة وكل واحد ف الجهاز الطبى عموما يتعامل نفس المعاملة لان فعلا الناس ديه جيش تانى جمب الجيش المصرى العظيم بيحارب وعرفنا قيمته الايام ديه وانا عن نفسى لما اروح اى اوردر لحد منهم هيبقى ليه معاملة تانية خالص".
حسن شاكوش
يذكر أن حسن شاكوش طرح أغنية "جيشنا الأبيض"، يوم السبت الماضي الموافق 12 إبريل، من كلمات مصطفى حدوتة، ألحان حسن شاكوش وتوزيع إسلام ساسو.
تابعوا آخر أهل مصر على Google News
