طمئن الدكتور محمد علام، نائب مدير مستشفى النجيلة بمطروح، متابعيه وأصدقاءه عليه، حيث يتلقى العلاج حاليًا بالمستشفى بعد إصابته بفيروس كورونا المستجد كوفيد 19.
وقال علام: "أنا بخير لكل زمايلى وأهلى والناس اللى بعتولى وحاولوا يتصلوا بيا يطمنوا عليا اليومين اللى فاتوا بعتذر مكنتش قادر ارد عليكم".
وقال الدكتور محمد علام في منشور له عبر صفحته الشخصية على موقع التواصل الاجتماعي "فيسبوك": "ناس سألتنى عن الأعراض مبدئيا الأعراض زى ما اتكلمت من شهرين بتختلف من شخص لشخص مينفعش أقول أنا عندى كذا وكذا لأن استجابة جسمى مش زى جسمك لكن هنعتمد على الدراسات اللى اتعملت على الآلاف الحالات وشفناها فى الحالات اللى كانت عندنا وللأسف فى نفسنا".
أولا الأعراض:
- أشهرها ارتفاع بدرجة الحرارة ودى فى حوالى ٨٠ لـ٩٠ ٪ من الحالات تستمر لأيام وممكن تختفى وترجع تانى
- تانى أشهر الاعراض سعال جاف فى حوالى ٦٠٪ من الحالات
- وآخر حاجة ألم بالجسم وده فى حوالى ٤٠ لـ٥٠ ٪ من الحالات
ولفت نائب مدير مستشفى النجيلة إلى أن الموضوع يبدأ بكل الاعراض أو عرض واحد أو حتى بدون أعراض نهائى، مضيفًا: "بعد كده المرحلة الثانية ضيق بالتنفس وارتفاع فى معدل التنفس وده خلال أسبوع من بداية الأعراض أو اقل حسب مناعة الشخص وده بداية الالتهاب الرئوي ومش بيحصل لكل الحالات ولو محصلش فانت خلاص بتخف لكن لما بيحصل بيبدأ يزيد بسرعة خلال يومين فقط بيكون التهاب رئوى شديد وبيحتاج لجلسات وأكسجين وتدخلات أخرى وبعد كده بيومين فشل بوظائف التنفس وبتصل للوفاة لو متحسنش".
وأشار إلى أن هذا هو تسلسل المرضي طبقا لآخر تحديث للصين على عدد الحالات اللى عندها وكمان CDC وغيرهم فى إجماع على الأعراض دى باختلاف النسب بفروق طفيفه أى أعراض أخرى فهى نادرة جدا وتكاد لا تحدث زى الاحتقان بالحلق والرشح واضطرابات المعدة.
ثانيا: إمتى أروح أكشف؟
لو بدأ ارتفاع درجة الحرارة وسعال أروح أكشف هيتعمل تحاليل وأشعة وبعض الأسئلة عن أماكن تواجدك آخر فترة واختلاطك بمرضي إيجابيين أو مشتبه فيهم أو دخولك مستشفيات لو حصل ان أى حاجة من دول تخلى الطبيب يشك هيتعملك مسحه لو لا فانت مفيش عندك حاجة.
وأضاف: "وارد جدا انك فى اى مرحله من دول تخف بدون أعراض أو بأعراض بسيطة أو باعراض شديده او حتى فى مرحلة حرجة، علشان كده المخالطين لحالة إيجابية بيتقالهم يقعدوا فى البيت لمده ١٤ يوم لو مظهرش أعراض فانت كده اما كان عندك المرض بدون أعراض نهائى وخفيت او معندكش أصلا، انما لو ظهر أعراض حتى لو بسيطة درجة حراره أو سعال فانت لازم يتعملك مسحة لان كده انت مشتبه فيه مش مخالط".
وعن أعراضه التي مر بها، أوضح نائب مدير مستشفى النجيلة "أنا مريت بايه فللأسف لانى مدخن على بسيط والحمد لله بطلت لما تعبت فالأعراض كانت شديدة شوية وكان فى التهاب رئوى بس بدأ يخف وحاليا ارتفاع بدرجة الحرارة متوقع وبخف كلها أيام وابقى سلبى (التدخين مش بيحمى).
ونهى حديثه قائلا: "مردتش اتصور قبل ماعرف أضحك لأنكم عرفتونى متفائل مينفعش تشوفونى متشائم، بيكم انتم الوباء هينتهى والله بس ساعدوا بعض والتزموا بتعليمات وزارة الصحة ووعوا اللى مش فاهم".
تابعوا آخر أهل مصر على Google News
