دعا الدكتور محمد علام، نائب مدير مستشفى النجيلة بمطروح للعزل، للتفاؤل عن طريق شرح علمي لانتشار فيروس كورونا في مصر واجراءات الدولة الاحترازية لمنع انتشار الوباء.
وأوضح علام، أن الناس عرفته منذ أول فيديو له قام بنشره في أول مارس الماضي متحدثًا فيه أننا في أخر مرحلة لمحاولة منع انتشار فيروس كورونا في مصر وفي حالة الفشل سيحدث انتشار ودوائر ويمكن حدوث قرارات تغضب الناس منها اختيار الحالات التي ستدخل العناية المركزة أو علاج الناس في المنزل كأغلب دول العالم الكبرى.
وقال نائب مدير مستشفى النجيلة المركزي، إن الحكومة اتخذت قرارات والناس بعضها التزم واغلبها لم يلتزم بها وحدث انتشار للوباء فى مصر لكن هناك شيء غريب حدث وهو أن كل التوقعات حول أن نكون فى مرحلة ذروة الانتشار لم تحدث حتى انا أشد المتفائلين توقعت أن منتصف أبريل باستهتار الجميع سيحدث الانفجار فى الأعداد وضغط على المستشفيات والناس هتتوفى بالمئات و"لرحمة ربنا بينا محصلش".
وأضاف أن هذا يرجع لأسباب يجب فهمها جيدًا:
١ - الملتزمين لو مكانوش التزموا كان هتكمل.
حلقات الانتشار ويزيد بالظبط لو انت عامل قطر من اعواد الكبريت وبدئت تولعه وهو لسه فى بدايته شيلت عود كبريت واحد بس انت كده وقفت القطر يعنى ببساطه شخص واحد التزم مكنش موجود فى مكان معين فى وقت معين فوقف انتشار الفيرس فى الدائره دى.
٢ - ستر ربنا لان لو حصل الالاف الحالات يوميا منظومة الصحه هتنهار وده مش عندنا احنا بس ده حصل فى كل دول العالم من اول امريكا لحد اسبانيا وغيرهم.
٣ - النقطه دى هعملها فيديو مخصوص بعدين تحور الفيرس تغيير خصائصه من معدل العدوى وسرعه انتقاله لاعراضه ومضاعفاته والوفيات (علشان كده فى اختلاف فى نسب الوفيات) وده كان السبب فى انتشاره في أوروبا وامريكا وباقى دول العالم خلينا نتفق اننا بنتعامل مع وحش بيدخل اى بلد بصمت تام ثم بيحصله تحور تتدخل فيه عوامل عده وبينتح عنه نوع مختلف اختلافات بسيطه جينيا لكن تاثير الاختلافات دى دائما مرعب لكن عندنا حتى الان مش مرعب السبب ياما مازال صامت ياما تغييره عندنا مش مرعب وزى مقلتلكم ده ستر ربنا حتى الان فبلاش نعتمد على رصيد الستر لانه بيخلص ولان كل دول العالم التحور حصل بعد فتره وكان مرعب وكمان علشان يحصل وفيات لازم يعدى اسابيع من اول الانتشار امريكا اول اسبوعين نسبه الوفيات كانت لا تذكر وبعد كده انتوا شايفين الوضع يعنى وضعك النهارده نتيجته كمان اسبوعين ل ثلاثه على الاقل.
واستطرد "خلينا متفقين ان فى حاجه غريبه حصلت ودى ستر من ربنا لينا لكن لحد امتا هيفضل الوضع كده محدش عارف وهل اصلا فى سبب لده منعرفش يبقى منعتمدش على حاجات غيبيه لان نتائجها مش بايدينا"، متابعًا أنه منذ اليوم الأول يتحدث عن التوعية لأنها الحل وهذا لأنه لم يكن خارق أو شخص أتى من المستقبل ولكن أي وباء يختلف في الالاف الاشياء ويتفق في شيء واحد هو أن العامل البشري أهم شيء والوعي المجتمعي هو أهم عامل لتقليل الانتشار والخروج باقل خسائر.
ولفت إلى أن الوباء سينتنى سواء بموت ملايين والالاف فى العالم والكل هينجح لكن من يخسر هم الأفراد لموت شخص عزيز عليهم أو اب او ام او ابن فانتم امنوا اهلكم ونفسكم ومن حولكم حوليكم حتى يقل الانتشار وإذا حدث حتى رفع الحظر جزئى هو ليس هدنة مع الفيرس كي ننسي كل التعليمات "الزحمة لا ومليون لا حتى لو مفيش حظر التباعد المجتمعى هو الحل وانا اتكلمت عنه من يومين فى فيديو اتفرجوا عليه".
وفي النهاية أوضح ان ملخص كل هذا "اننا فى مرحله الانتشار من فتره لكن مش مرعب وعكس كل التوقعات والاسباب مش مفهومه لكن وارد يكون الهدوء الذى يسبق العاصفه فدلوقت الحظر والالتزام مطلوب اكتر وان شاء الله قريب هطلع فيديو اتكلم عن نقطه الانتشار الصامت دى علشان الوعى اهم سلاح وان الناس تفهم كل الحقائق المتاحه عن العدو اللى بمواجهة اهم من اننا نجرى وراء كلام مش هيفيد، تفائلوا هتعدى واللى ملتزم متزعلش والله التزامك جه بفايده كمل ويا رب باقى الناس تعمل زيك علشان الموضوع يعدى باقل الخسائر.
وكان الدكتور محمد علام نائب مدير مستشفى النجيلة المركزي للعزل، أعلن منذ أيام إصابته بفيروس كورونا المستجد كوفيد 19، كما طالب باعتبار شهداء مستشفى النجيلة من شهداء الوطن في كافة الحقوق بعد وفاة ناجي الجراري أمين مخازن، والسيد محمد المحسناوي ممرض أسنان بالمستشفى في أقل من أسبوع متأثران بإصابتهم بفيروس كورونا.
تابعوا آخر أهل مصر على Google News
