هاجم الفنان زكي فطين عبد الوهاب، حالة التعالي والخيلاء المنتشرة في الفترة الحالية الخاصة برواد الساحل الشمالي والجونة، قائلا عبر حسابه الشخصي على موقع التواصل 'فيسبوك': 'أنا عندي 64 سنة.. جيل الستينات عشان أكون واضح.. وأنا مش عارف ولا فاهم إيه الفشخرة والتعالى اللى عايشين فيه رواد الساحل الشمالي والجونة الأيام دي!'.
وأضاف فطين: 'أنا أنتمي لعائلة غنية ومشهورة.. ومع ذلك كنت بركب الـ ميكروباص من جاردن سيتي لنادي الجزيرة.. وبنأكل كشري في باب اللوق ودى كانت متعة بجد.. عشان 'بنحتك' بالطبقة الحقيقية للشعب.. وأخويا لما دخل الجامعة.. أمي جابت له عربية 'فيات 128'.. مع إنها كانت ممكن تجيب له عربية مرسيدس'.
وتابع: 'المصيف كان بين 3 أماكن.. المعمورة والمنتزه شاطئ وبارعايدة وبيانكي العجمي.. والخدم كانوا بينزلوا معانا بعد فترة الغداء في نفس الشاطئ اللي كنا بننزل فيه.. عمري ما شوفت البذخ والتعالي والألاطة اللي بشوفها اليومين دول.. الناس كانت أبسط بكتير.. على فكرة أنا مش ناصري النزعة.. أنا بس عشقت الفترة دي.. ولسه عايش على ذكراها.
تابعوا آخر أهل مصر على Google News
