قالت الفنانة ياسمين صبري، أن العقد الذي ترتديه في عنقها الذي تظهر به في مهرجان الجونة السينمائي 2020 بدورته الرابعة هدية من زوجها رجل الأعمال أحمد أبو هشيمة وهو ليس صناعة مصرية بل من الخارج، رافضة عن الإفصاح عن سعره ولكنها ذكرت أنه باهظ الثمن.
وأضافت 'صبري' في حلقة خاصة جدا مع الإعلامية لميس الحديدي من خلال برنامج 'كلمة أخيرة'على هامش مهرجان الجونة السينمائي على قناة 'ON'عن سر إختيارها اللون الارزق في فستانها المتميز الذي ظهرت به في حفل الافتتاح قائلة 'الفستان مش محلي من ماركة إسمها 'جي بي'، وأنا اخترت اللون ده لاني بقيت بحب ألوان الأحجار والي يعرف في علوم الطاقة هيعرف أن اللون الأزرق أعلى درجة فيه'.
ياسمين صبري
وحول سبب تواجدها في المهرجان قالت ياسمين صبري 'انا ببقى حريصة على التواجد في المهرجان كل سنة لأنه جزء كبير من عالم الممثل وببقى سعيدة فيه وبحضرة من أول سنة وهو بيتعمل على غرار المهرجان العالمية والمهرجان الوحيد الي بحضرة'.
وحول أعمالها الفترة الحالية التي تعكف عليها قالت 'صبري': 'بقرأ ورق لمسلسل بس لسه مش لاقيه حاجة عجباني.. انا بحاول أتعلم من أخطائي، و اعمل حاجة مختلفة عشان كده بنتظر المناسب'.
واستطردت قائلة 'كل حد بيبقى ليه أخطاء وانا لسه في البداية وطول ما أنا في السكة بتعلم من الأخطاء كل حاجة بعملها بقيمها وبشوف عيوبها عشان نتلاشاها '.
وتابعت قائلة 'المفروض كل إنسان يأخذ تقديره في عينه بنفسه مش من تقييم الناس ممكن الانسان يتأثر بتقييم آخرين، ولازم نشتغل على نفسنا وما تريحش يشتغل على نفسه من كل النواحي '.
ياسمين صبري
وأوضحت النجمة ياسمين صبري، أنها شرعت في دراسة تطوير الذات منذ خمس سنوات وتأثرت جداً بالموضوع مما دفعها لدراسة علم ' السيكولوجي ' وهو علم ذات صلة بما سبق، موضحة: بعد كده انتقلت للدراسة الرسمية للمجال الذي اهتم بيه عشان ما قراش كتاب واحد فابقى أسيرة لوجهة نظر الكاتب فدخلت الجامعة وبدرس أونلاين خاصة في وقت كورونا في جامعة هارفارد عشان استثمر في وقتي مضيعوش وده طبعي واستفدت جداً'.
وأشارت: قبل الدراسة إتجوزت لأن الحياة الشخصية بتحقق التوازن للشخص حتى لو كان ناجح في حياته العملية وده جزء مهم، وأن زواجها حقق لها التوازن في جزء كبير من الحياة، لافتة إلى أن زوجها رجل الأعمال أبو هشيمة كان سبباً في هذا التوازن قائلة 'حققلي ده جداً لانه لايق عليا جداً لانه شخص طموح وفيه حاجات كتيرة شبهي وفيه حاجات كتيرة عنده مش عندي على سبيل المثال أنا شخصية منغلقة اوي هو شخص بيعرف الدنيا كلها وده كمان توازن'.
وتفسيراً لما ذكرته عن شخصيتها وأنها منغلقة قالت 'منغلقة يعني ماعنديش اصحاب كتير ولا شلل معينة بخرج معاها حتى الاماكن مافيش مكان معين بروحه دائرتي صغيرة جداً ومقفولة وكانت في الاسكندرية يعني بعيده عن الاضواء، وبالتالي أحمد حققلي التوازن في الحتة دي وانا كمان عملت له توازن '.
ياسمين صبري
وحول إنزعاجها من تأثير السوشيال ميديا عليها والأضواء خاصة وهي تستخدم سيارتها رولز رويس قالت:'أبداً لايزعجني الأضواء لأن الإنسان الذي يقبل أن يكون تحت الأضواء لابد أن يكون قدها لو مش قدها يبعد عنها وانا ماخدتش شهرة فجأة وبالتالي اتشهرت تدريجي وتأهلت تدريجي لذلك، وبقيت فاهمة أن الشخص المشهور لازم الناس تتكلم عنه ومش هقدر أمنعه وأنا عندي سلام نفسي مش مضايقة واحمد كمان ومش عيب إن الإنسان يستمتع بالرزق اللى ربنا ادهوله'.
وكان تداول رواد مواقع التواصل الاجتماعي، صورا لمستند من الإدارة العامة لجمارك الإسكندرية، تفيد بالإفراج عن سيارة ملك الفنانة ياسمين صبري، تلقتها هدية من زوجها رجل الأعمال أحمد أبو هشيمة.
تابعوا آخر أهل مصر على Google News
