حرص الفنان تامر حسني على توجيه رسالة للجماهير قبل انطلاق مباراة الأهلي والزمالك والمقرر لها اليوم باستاد القاهرة في التاسعة مساءً، حيث كتب على حسابه الرسمي بموقع التواصل الإجتماعي فيس بوك: 'زمالك أو أهلى يعنى مصر، والدنيا كلها بتتفرج النهاردة على أولاد مصر، وبعون الله هنرفع راس مصر لأن النتيجة أياً كانت فهى مصرية'.
وأضاف تامر، رأيى الشخصى المُتواضع، مهما اتكلمنا كلنا فى الروح الرياضية الجميلة فى كرة القدم مش هيكون كلامنا مؤثر زى أصحاب الرياضه نفسها، يعنى لو صداقتهم الطيبة تبان فى العلن من خلال بوستات فيها سلام بين اللاعبين، هتخليهم ينقلوا الروح السلمية دى للناس ولكُل الجماهير، ولو أثناء المباراة حد خبط حد يعتذر له و يطّمن عليه، الناس فوراً هتفرح بالروح دى والروح دى هتنتقل للبيوت وللجماهير ومش هيكون فى أى نزاعات'.
تامر حسني يعلق على مباراة الأهلى والزمالك
وتابع، 'ولو المباراة خلصت و كل لاعب جرى حضن لاعب من الفريق التانى فعلاً هيخلوا الناس فى البيوت و كل مكان فى نفس حالة السلم اللى هيصدروها ، حتى لو إدارة كل نادى ألزمت كل فريق بالروح دى إجبارى لإن ولادنا يستاهلوا إنهم مايكرهوش بعض ولا يتخانقوا بسبب رياضه المفروض إنها بتجمع الناس'.
واختتم، 'مش منطقى برضو كل ماتش الناس تحس إن فى حرب هتحصل وبين مين أهم وأعرق الأندية المصرية اللى مشرفينا فى كل الدنيا، يا رب كل الخير ليهم ولأولادنا وللجماهير العظيمة المخلصة'.
ومن المقرر أن تذاع مباراة الأهلى والزمالك بنهائى أفريقيا عبر قناة اون تايم سبورت on time sport عبر التردد الأرضى.
تابعوا آخر أهل مصر على Google News
