قالت الفنانة وفاء عامر إنها تشارك مجموعة من الشباب في الأعمال الفنية وفي فيلم "خان تيولا"، مؤكدة أنها تشارك الشباب مهما كان الأبطال لكن الأهم أن يعجبها العمل.
وكشفت في لقاء عبر برنامج "كلمة أخيرة" الذي تقدمه الإعلامية لميس الحديدي على شاشة "ON" قائلة: "بدخل أي مشروع بجرأة مهما كان الأبطال المهم تعجبني الفكرة والعمل وبالمناسبة في مجموعة شباب كلموني بيعملوا مشروع عشان الامتحانات في معهد السينما، ومشروعهم عجبني وبنسبة 90% هاساعدهم في مشروع التخرج".
وواصلت: "أرجو من زملاء المهنة مايزعلوش من الي هقولوا (لما وافقت على مشروع التخرج ده بتاع الشباب في أحد الزملاء قالولي ليه بتعملي كده ؟ ليه عاوزة ترجعينا وتنزلينا كهواة للفن ومانباقش محترفين".
ورداً على سؤال الحديدي هل ده إحراج ليهم؟ قالت: "ممكن يبقى إحراج بس انا ببقى متحمسة لاي شخص عنده فكرة وعاوز يطلع رؤية للناس ..الطموح بيعجبني".
وحول توقيت عرض فيلم "خان تيولا " خارج مواسم الأفلام المعتادة في نصف العام أو الأعياد أو الصيف قالت: "شركة سينريجي شافوا الفيلم صح واختاروا وقت مجازف وغامروا وكان عندهم حق في توقيت العرض ونجحوا وهما شاطرين وصيادين في الحتة دي".
وقالت إن تصوير الفيلم بدأ قبل جائحة كورونا وتابعت "إحنا بدأنا التصوير قبل كورونا وجايز يكون جالنا كلنا كورونا.. أنا جالي برد بس ممكن كان يطلع كورونا".
تابعوا آخر أهل مصر على Google News
