حالة جدل كبير شهدتها مواقع التواصل الإجتماعي خلال الساعات الماضية، وذلك عقب نشوب خلاف حاد بين مؤديِ أغاني المهرجانات عمر كمال وحمو بيكا، إذ أنهما كانا يظهرا دائمًا سويًا في حياتهما اليومية وكذلك الحفلات وكانت علاقتهما جيدة.
خلاف عمر كمال وحمو بيكا
علمت 'أهل مصر'، من مصادرها الخاصة أن حمو بيكا وعمر كمال افتعلا خلافًا من أجل التريند فقط، وأن مغني المهرجانات حسن شاكوش على علم بهذا الأمر، وخلال أيام سيظهرا سويًا لافتين أن البعض تدخل للصلح بينهما.
القصة الكاملة
بدأت الأزمة المعلنة بين حمو بيكا وعمر كمال، عندما أعلن الأول هجومه على الثاني، واصفًا إياه بأنه صديق مزيف، على حد تعبيره، مؤكدًا أنه يدعي محبته لكنه يكرهه.
ونشر 'بيكا'، عبر صفحته بموقع التواصل الاجتماعي فيس بوك صورة لعمر كمال، موضوع عليها علامة إكس بالأحمر وقال: 'ياريت محدش يكلمني في شغل على الشخصية دي، عشان أنا كنت بحبها، والشخصية دى بتتهرب من شغلي اللي خلاني اتفق عليه، والاثبات بعد الصورة دي هنزل فيديو، هو عامل بيحبني وهو بيكرهني.. مع السلامة يا صحاب مزيفة'.
وقال 'بيكا'، في مقطع فيديو نشره عبر صفحته الشخصية فيس بوك: 'انتظروا أغنية فستان الفرح حودة بندق توزيع إسلام ساسو كلمات الجوكر صناع الفرحة اللي مش بيزعلو حد وانتظرو قريبا مهرجان مع سلامة يا صحبة مزيفة'. مع العلم أن أغنية فستان الفرح كان قد أعلن أنها أغنيته مع عمر كمال.
فيما رد علق مطرب المهرجانات عمر كمال على هجوم حمو بيكا، من خلال بث مباشر عبر صفحته الرسمية على موقع التواصل الاجتماعي 'فيس بوك'، وقال: 'أنا فوجئت بالصورة اللي منزلها حمو بيكا وحاطط علي صورتي غلط، أنا هقولك أنا محترم وبسكت كتير جدا عن قلة الأدب، وأنت طالع تقول علي عمر كمال قصير وأنا أقول يا أبو كرش لكن أنا طالع أرد علي كلمتين ومش مبدأي أني اتكلم بالأسلوب ده'.
وأضاف: 'لو قفلت تراك إنتي معلمة هتقوم الحرب يا بيكا، وهقفلك كل تراكاتك لازم تعرفوا أن شمس المجرة عملك ملايين، وبسيبلك كل التراكات عندك، الله الغني بكسب من زمان وده كله مش لازمني في حاجة، حمو بيكا بيجي يبات عندي، أنا قاعد عند الحلاق لقيته بيتفق علي شغل فستان فرح وأنت اللي حطتني في الموضوع وأنا اتحرجت وأنا عايز أعمل فن كويس زي بنت الجيران'.
تابع: 'الأصول أنت تتفق معايا لما حد يكون عايزني، أنا مش عايز فلوسك، والأجر قليل علي، مهرجانات الدنيا بترجح أنت خدته وبيعته لناس وما ادتنيش حاجة، فين حقي أنا، أنا مش بجمع فلوس، وعمري ما سألت أول مهرجان لي لخبطيطة، أنا كلمت هاني شاكر علشان النقابة علشانك وأحل مشكلتك، أنا سيبتلك ١٢ تراك كلت من وراهم الشهد'.
وأوضح: 'كان الناس كلها بتسيبك وأنا أروح أغني معاك، هو أنا أقدر أوديك فرح من غير فلوس، أنا بصحي وأنام ألقيك منزل التراك في الفيس، مبتخدش رأيي في أي حاجة، أنت دخلت بيتي وكلت عيش وملح، أنا طول عمري جدع وعمري ما بصيت في فلوس حد، عيب يا بيكا تروح تقول أنا مزيف، حتى العربية بتاعتك أنا اتصدرت أنا ومدير أعمالي عند المعرض عشان يقسطهالك، وضمنتك في مليون و850 ألف جنيه، ولو كنت لوحدك مكنش حد هيديك عربية محدش هيبعلك من غير ضمان، أنا مش وحش وربنا يهديك'.
ثم عاد عمر كمال، بالسخرية على خلافه مع مؤدي المهرجانات حمو بيكا، ونشر عبر حسابه الرسمي بموقع التواصل الإجتماعي 'فيسبوك'، صورة للفنان عادل إمام وشريف منير ولبلبة وحلا شيحة من فيلم 'عريس من جهة أمنية'، وكتب: 'حمو بيكا بيتخانق مع عمر كمال = طب مش مذاكر'.
يشار إلى أن أزمة حمو بيكا وعمر كمال المعلنة كانت بسبب أغنية جديدة بأسم فستان الفرح، وهي التي اتهم خلالها عمر كمال لصديقه حمو بيكا بأنه يستغله وورطة في أن يقدم أغنية معه بهذا الأسم كنوع من أنواع الدعاية للأتيليه فساتين أفراح.
تابعوا آخر أهل مصر على Google News
