أكدت الفنانة رانيا يوسف، أنها ليست نادمة على تصريحاتها خلال حوارها مع الإعلامي نزار الفارس عبر برنامج "مع الفارس"، موضحة أن هناك أشخاص يفكرون بطريقة خاطئة.
وقالت "يوسف"، في رسالة بعثتها للإعلامي نزار الفارس حصلت "أهل مصر" على نسخة منها: "عمري ما هندم على الانترفيو ده بالعكس كان لطيف وفرندلي وكنت واخدة راحتي.. بس أنا حبيت أوريك العقليات عرفت ليه أنا مكنتش حابة أتكلم عن الحجاب".
وتابعت رانيا: "بنواجه عقليات ضلمة دماغها مظلمة مش بيقبلوا وجهة النظر الآخر، بيخافوا منها.. لينا ربنا اللي يحصل يحصل سوري في اللفظ يلعن أبو أي حد مش عاجبه أي حاجه.. طظ في أي حاجه".
وتسببت حلقة نزار الفارس مع الفنانة رانيا يوسف، في جدل كبير نتيجة تصريحاتها الجريئة، حيث قالت الفنانة، عند سؤالها متى سترتدي الحجاب: "يا ساتر يارب ليه، الطرحة دي هتزود مني إيه؟ وأنا شايفة من غير حجاب أحلى ومستورة، وإحنا من أمتى كنا محجبات المصريين مكنوش محجبين والحجاب اتفرض علينا أواخر السبعينيات وأوائل الثمانينيات".
وتابعت رانيا يوسف حديثها: "عمر زوجات الشيوخ عندنا في الأزهر ولا بناتهم كانوا محجبات، وإحنا بنشوف في الصور والأفلام القديمة، وحفلات أم كلثوم مكنش في واحدة محجبة واللي عايز يتحجب يتحجب واللي مش عايز دي حرية شخصية، والحجاب مظنش أنه فرض وإلا كان اتفرض علينا من 1450 سنة".
تابعوا آخر أهل مصر على Google News
