قدم المطرب رامي صبري اعتذارا إلى الملحن عزيز الشافعي والشاعر تامر حسين بعد الخلافات التي نشبت بينهما مؤخرا بسبب أغنية شكرا التي قال رامي أنها كانت ملكه قبل أن تذهب للهضبة عمرو دياب.
واعتذر رامي صبري لعزيز الشافعي وتامر حسين عبر خاصية ستوري حسابه الرسمي على موقع تبادل الصور والفيديوهات الشهير 'إنستجرام'، ورد عليه الشافعي على حسابه على موقع التواصل الاجتماعي فيسبوك قائلاً:' 'الحق أحق أن يتبع ، حصل خير يا رامي و إنت فنان حقيقي و مباردة جميلة منك انك توضح للناس الحقيقة ، والاعتذار من شيم الكبار و انت كبير'.
وتابع عزيز الشافعي قائلاً: 'احنا في الاول وفي الاخر زملاء مهنة واحدة و بفخر جدا بنجاحنا سوا و العلامات اللي عملناها، وبتمنالك دايما النجاح و التوفيق في كل شغلك و في تقدم دايما يا نجم و شكرا على كلامك الجميل '.
وبدأت خلافات رامي صبري مع عزيز الشافعي وتامر حسين يو 6 يناير الماضي عندما أعلن رام عبر حسابه على فيسبوك وقف التعامل مع عزيز الشافعي قائلا: 'ولتاني مره الملحن عزيز الشافعي ياخد أغنية مني وإحنا شغالين فيها ويديها لفنان تاني وهو الفنان عمرو دياب بنفس الشكل التوزيعي'.
ورد عليه الشاعر تامر حسين عبر حسابه على فيسبوك قائلاً: 'أولاً ليه بنجيب وبنقحم دايماً اسم (عمرو دياب) فى جُملة مفيدة؟ ايه الغرض، ثانياً... توقيت البوست لما الأغنية انتشرت وكسرت الدنيا، بالتفاعل وإقبال الناس عليها والإشادة بيها يعنى ليه الكلام ده، مكنش فى أول يوم مثلاً؟ ده لو فعلاً الكلام على حق، ثالثاً... اللى اتعلمته ومن أدبيات المهنة، ولازم الناس كلها تفهمه فكرة الذوقيات'.
وتابع تامر: 'يعنى ايه ؟ يعنى نبارك لبعض نهنى بعض مش نتهم الناس فى عز نجاحهم بالباطل لما أى مُطرب فى الدنيا بتعجبه اغنية المؤلف والملحن بيعملوا (تنازل عن حقوق الاستغلال) للمطرب، وطالما ماحصلتش الخطوة دى من زمان تبقى الأغنية ملك الشاعر والملحن لحين إختيار الأفضل وارد جداً تسمع مطرب زميل أغنية من سنة سنتين ولضعف الرؤية الفنية ما يتخيلش نجاحها ده اللى بيفرق مطرب عن مُطرب فى سُرعة اتخاذ القرار أنا شايف ان فيه تجنى على حق المُلحن عزيز الشافعى أدبياً ومعنوياً دى شهادة حق ومش شايف تماماً اى داعى يسمح بالكلام والصراعات دى، وللمرة المليون الناس المُحترمة ما تعلنش مشاكلها فى العلن'.
وانهى قائلاً: 'عيب فيه خصوصيات ما يصحش ندخل الجمهور فيها ونتهم ناس محترمة بالباطل أكيد مش هنزل فويس نوت نستشهِد بيها، واحنا (أصحاب الحق )وربنا يهدى، وأخيراً ياما ناس سمعت اغانى من سنة وسنتين ومكنتش ليهم'.
كما رد عليه عزيز الشافعي على حسابه عبر فيسبوك قائلاً:'مش هرد بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان و بيزود رصيده مع الناس، بيعز عليه بعد كدة يقلل منه حتى لو تجاوز'.
وتابع قائلاً: 'رغم إن كلامه كله (مالوش أي أساس من الصحة)، أحب دايما اشوفه ناجح و بيكمل اللي عملناه، و بشكره على إستجابته لطلبي و قراري الشخصي الي بعتهوله الصبح من خلال صديقنا المشترك محمد حامد بإننا منشتغلش تاني و نكتفي بنجاحاتنا.. و بعتذر للسادة الصحفيين اللي بيتصلوا بيا مش عايز أدي الموضوع اكبر من حجمه'.
واكمل قائلاً: 'وبكتفي بالبوست ده و بالكلام المحترم اللي كتبه زميلي و شريكي تامر حسين على صفحته عن أغنية (شكرا)، وبخصوص (زي مانتي) فممكن ترجعوا للصديق المشترك محمد حامد و تسألوه'.
تابعوا آخر أهل مصر على Google News
