حلت أمس ذكرى ميلاد النجم الكبير الراحل عمر الحريري، الذي ولد في مثل هذا اليوم 12 فبراير عام 1926، وودع عالمنا يوم 16 أكتوبر عام 2011.
حقيقة خلافاته مع عادل إمام
في لقاء سابق للفنانة ميريت، ابنة عمر الحريري، في برنامج 'شارع النهار' على قناة النهار، أوضحت حقيقة الخلافات بين والدها والزعيم عادل إمام، قائلة: 'عمر ما كان فيه خلاف بين والدي والفنان عادل إمام وأرفض هـذا الكلام، مفيش حاجه اسمها عشان هو مكملش تمثيل معاه يكون فيه خلاف، والدي اشتغل معاه مسرحيتين 'الواد سيد الشغال وشاهد ماشفش حاجة' وليه يكون فيه مسرحية ثالثة؟'.
وأضافت ابنة عمر الحريري قائلة: 'مين قال الفنان عادل إمام لم يزر والدي وقت مرضه؟!، ماحدش يعرف أن والدي عيان أنا الوحيدة اللي كنت عارفة، ٤ سنين والدي بيتعالج من السرطان في العظام وأنا بس اللي أعرف ولا والدي نفسه، لأني حبيت أنه يفضل قوي وكان كبير في السن.. فمين اللي كان هيزوره؟'.
وعن وصية والدها لها قالت إنه وصاها قائلاً: 'أوعي في يوم من الأيام تحطيني في موقف أخجل منه، ماتغلطيش ولو أنت سايقة العربية واتسحبت رخصتك مش هجبهالك، وعمري ما اتسحبت رخصتي الحمدلله، وكانت جملته دي خط أحمر'.
تابعوا آخر أهل مصر على Google News
