أزمة تامر حسين على طريق الحل بعد سرقة كلمات أغنيته لصالح محمود العسيلي

أعلن الشاعر تامر حسين أن هناك محاولة لحل أزمة سرقة كلمات أغنيته لصالح إعلان بنك مصر الذي يغنيه محمود العسيلي في شهر رمضان 2021.

حل أزمة تامر حسين

كتب تامر حسين عبر حسابه بموقع التواصل الإجتماعي 'فيسبوك': 'تدخل فى حل موضوع إعلان بنك مصر بعد دعم زمايلى، الصُناع المحترمين الأساتذة الكبار، أمير طعيمة، عسيلى على فتح الله، شخص محترم ومؤثر فى مجال الإعلانات بقاله سنين وسنين رقم ١ وأخ أكبر بالنسبالى بدون ذكر إسمه انى موضوعى هيتحل، النهارده بالشكل اللى يرضينى واستسمحنى أشيل البوست، وما ضاع حق وراءه مُطالب بفضل الله وشكراً لدعمكم والشير بتاعكم اللى خلى المسج توصل'.

أزمة أغنية تامر حسين

وكانت بداية الأزمة عندما كتب تامر حسين: الناس المسؤولة عن إعلان (بنك مصر) عملوا حركة فى مُنتهى السخافة وقلة ضمير شخصى ومهنى وأدبى، عملت أغنية أنا وصديقى المُلحن عزيز الشافعى اسمها مالهوش كتالوج ماهو زى الموج، ومالهوش مالكه وسكته سالكة'.

وتابع: 'استخدموا السطرين دول فى كلام الأغنية ولا يُسئل عنها صديقى الشاعر الكبير أمير طعيمة لأنى بعمل إعلانات وعارف كويس ان الشركة أحياناً بيبقى عندهم حد كريتيف ومصطلحات معينة بيقولوا للشاعر عايزين المصطلحات دى وكلمت صديقى المحترم محمود العسيلى الراجل قالى بمُنتهى الأمانة ان الشركة اللى عاملة الإعلان هُما اللى واخدين منها فعلاً المصطلحات دى، من واحدة اسمها (فاطمة) هى المسؤلة عن الكلام ده واستهترت بحقوقنا بشكل غير لائق وكامل احترامى وتقديرى لصديقى الشاعر المحترم أمير طعيمة وللراجل المحترم محمود العسيلى اللى استأذنتهم انى مش هسيب حقى للشركة وان موضوعى مش معاهم دول أساتذة كبار، وكل شىء موجود وموثق بالتواريخ من خلالى ومن خلال شركة طيارة اللى قدمت الإعلان، فيها حق أدبى ومعنوى ومادى'.