عروس تنهار من البكاء وتترك حفل زفافها أثناء غناء أحمد سعد

كشف المطرب أحمد سعد عن موقف تعرض له خلال إحيائه حفل زفاف، وذلك عبر حسابه الرسمي على موقع التواصل الاجتماعي 'فيسبوك'.

أحمد سعد

ونشر أحمد سعد مجموعة من الصور الخاصة بحفل الزفاف وعلق قائلاً: 'كنت بغني في فرح ولكن الفرح كان مملوء بالبكاء، بدأت بأغنية (كل يوم) والناس مبسوطة وبعدها بغني أغنية (بحبك ياصاحبي)، قامو الناس جريوا عليا بسرعة وقالوا لي لأ ماتغنيش أغنية بحبك ياصحبي، ماتغنيش بحبك ياصاحبي !، مافهمتش في ايه ؟! فماغنتش (بحبك يا صاحبي) والعروسة قامت بتعيط وجريت بعيد عن الفرح ! فغنيت أغنية تانية قامت العروسة قامت تاني وعيطت وسابت الفرح !'.

وتابع 'سعد' حديثه قائلا: 'مكنتش فاهم في ايه ؟! طب أغني ايه ؟! المعازيم قالولى معلش لأن هي بتحب أبوها جدا وأبوها كان بيحبك حب غير عادي، وانت بالنسبه له أهم حد وكل الاغاني بتاعتك لها ذكريات مع أبوها، وهي كانت بتغنيله (بحبك ياصاحبي) لو هو موجود دلوقتي كان أول حد هايجيبه يغني في الفرح كان هايكون انت، ومش العروسة هي اللي جابتني الفرح'.

واختتم أحمد سعد قائلاً: 'العروسة في الفرح طول الوقت تبصلي وتفتكر أبوها وتعيط، العروسة دي علمتني يعني ايه بنت بتحب أبوها وإن الحب ده قد ايه حقيقي وصادق ونقي وأن الأب ده كان راجل طيب، و أب حنين علشان يتغناله من بنته بحبك ياصاحبي، الله يرحمه'.