رد الممثل الشاب رامي دياب على الانتقادات والهجوم الشديد الذي تعرض له، بعد انتشار أنباء عن خطبته بالراقصة صافيناز، وذلك عبر حسابه الشخصي على موقع التواصل الاجتماعي 'فيسبوك'.
خطوبة صافينار
ونشر رامي دياب مقطع فيديو على فيس بوك قائلا: 'كنت عايز اتكلم في حاجة بسيطة في السريع أول أمبارح نزلت خبر على الفيس عندي وفيديو وصور، والفيديو قلب الدنيا عندي وعند صافينار والنهاردة هو تريند على فيس بوك ورقم 3 سيرش على جوجل والصحافة والدنيا كلها كتبت'.
وتابع قائلا: 'أنا كنت عايز أوصل جملة، فيه ناس كتبت تعليقات إيجابية كتير وناس اكتر بمراحل كتبت تعليقات سلبية وشتائم من اللي قلبك يحبها، واللي عارفني كويس عارف أن لساني متبري مني ومبعرفش أسكت وبرد بدل الكلمة عشرة، ومع ذلك متكلمتش خالص ولا قلت أي حاجة'.
واضاف رامي دياب:'اللي عايز أوصله بقى أن تلت أربع الناس اللي كاتبين تعليقات سلبية أو بيشتموا أقسم بالله بيشوفوا صافينار بيجرو وراها عشان ياخدو صورة، طيب مادام أنت واد جامد وبتشتم بتجري وراها تاخد صورة ليه، أنت على كدا بقى لو مكاني هتبقى أسعد واحد في العالم، ويا جماعة بلاش حقد وسواد افرح لغيرك أو متتكلمش خالص'.
وأثيرت حالة من الجدل منذ يومين بعد أنباء عن خطوبة الراقصة صافينار، بعدما نشرت عبر حسابها الرسمي على موقع تبادل الصور والفيديوهات إنستجرام، مقطع فيديو لها برفقة الفنان الشاب رامي دياب داخل حمام السباحة في إحدى الفيلات الخاصة وهو يضع في إصبعها خاتم الخطوبة وهي ترتدي الأبيض، وعلقت صافيناز على الفيديو قائلة: 'قريبًا هنقول مبروك'.
تابعوا آخر أهل مصر على Google News
