قبل عرض فيلم عروستي.. مروان يونس ومحمد مولى وسيف زهران في حوار ساخر حول زواج الصالونات

نشر ثلاثة من أشهر رواد مواقع التواصل الاجتماعي في مصر، مروان يونس ومحمد مولى وسيف زهران، على حساباتهم الشخصية على انستجرام، قصصا قصيرة مصورة يتبادلون خلالها حواراً ساخراً حول فكرة زواج الصالونات، وذلك بالتزامن مع طرح الإعلان الرسمي وفي إطار الحملة الدعائية للفيلم الرومانسي الكوميدي عروستي المقرر عرضه في 22 سبتمبر الحالي.

قصص زواج الصالونات قبل عرض فيلم عروستي

وبرغم اختلافهم في التفاصيل، إلا أن يونس ومولى وزهران اتقفوا على رأي واحد وهو رفضهم لفكرة زواج الصالونات.

وقام مولى بالرد على سيف زهران قائلاً 'إنت يا سيف عايز فترة تعارف 8 سنين، أنا كمان أرشح فترة خطوبة 15 سنة، بحيث على أما نوصل للفرح نبقى قضينا 15 سن خطوبة و8 سنين تعارف ونخش على كرسي بعجل'، وختم كلامه بجملة 'جواز صالونات إيه؟ أنا ضده تماما'.

ورداً على كلام مولى، قال سيف زهران 'بغض النظر عن الـ15 سنة اللي إنت قولتها دي، بس إحنا محتاجين أكتر، محتاجين من 40 لـ 45 سنة مثلا'.

ورفضاً لفكرة زواج الصالونات، أضاف زهران ' أنا ضد الموضوع علشان أنا ممكن أتفاجي بحاجات أنا مش عارفها، ممكن ألاقيها رغاية أو دراما كوين، وممكن ألاقيها بتعمل حاجات مش عاجباني.. أنا بصراحة ضد فكرة جواز الصالونات تماما'.

وتعليقاً على حوار مولى وزهران، قال مروان يونس 'أنا ماعرفش ليه يا جماعة كلمة أنا هاروح أتجوز صالونات دي بتحسسني إني رايح أخطب فازة او أباجورة.. يعني فيه ريحة بيتيفور في الجو كده مش بافهمها' وأضاف 'فيه أصحابي إتجوزوا صالونات وفشلوا ما عدا واحد بس، لإن مراته بتديه على دماغه'.

فيلم عروستي

فيلم عروستي يحكي قصة شريف كناري ودليلة زقزوقي اللذين يعانيان من إلحاح أهلهما على الزواج، تجمعهما الصدف بعد جلسة زواج صالونات فاشلة، ينجذب الثنائي ولكن تجارب دليلة السابقة تجعلها تضع شريف تحت اختبارات مستمرة طوال فترة الارتباط للتأكد من أنه الزوج المثالي لها، فهل سينجح كناري وزقزوقي في بناء عش حب يجمعهما؟.

والفيلم بطولة ـأحمد حاتم وجميلة عوض، ويشاركهما صابرين، محمود البزاوى، فاتن واصل، زينب غريب، مروان يونس وندى أكرم، وعدد من ضيوف الشرف، من بينهم أسماء جلال، شريف الدسوفي، هند عبد الحليم، محمد مولي، سيف زهران وبسنت النبراوي. والفيلم من تأليف مصطفى البربري، وإخراج محمد بكير، ومن إنتاج شركة هاي ميديا للإنتاج الفني والتوزيع إنتاج إيهاب السرجاني، يتولى التوزيع الداخلي للفيلم سينرجي فيلمز وخارج مصر شركة إن ستارز، وتتولىMAD Solutions مهام التسويق والترويج للفيلم.