عقدت مساء اليوم الثلاثاء، ندوة 'تنفس، للكشف على الحالة النفسية في الفن بفعاليات مهرجان الجونة السينمائي 2021 في دورته الخامسة، بحضور الفنان أحمد مالك ومي الغيطي ومحمد فراج.
مهرجان الجونة السينمائي 2021
وقالت مي الغيطي في حديثها: 'جزء مني مكتش سعيد لما بدأت تمثيل من صغري، أنا دلوقتي عندي 22 سنة .. وخدت وقت عشان الأقي نفسي، وأثناء التمثيل بعمل حاجة أسمها الانفصال عن شخصيتي الحقيقية، ودي مشكلة لأن البعض بيقول أن لازم الممثل يدخل جوة الشخصية عشان يطلع مشاعرها.. يمكن أنا حاولت في مرحلة من المراحل ولاحظت قد ايه ده كان بيسببلي القلق والتوتر، لأن الناس مش مستوعبة أن غير أننا بنقف قدام الكاميرا دي شغلانتنا زي الدكتور أو المهندس'.وتابعت مي الغيطي:'مش بتتعامل لوحدك بتكون في مكان عمل وتنسق بين أشياء كثيرة منها الملابس وحفظ الدور والتعامل وجدول الشغل ماشي ازاي.. كان نفسي يبقى فيه حد يقولي ايه الطريقة اللي أعمل بيها الانفصال عن شخصيتي الحقيقية وفي نفس الوقت أكون مفيدة للدور اللي بقدمه ..لما بكون قدام الكاميرا فعلاً بنسى أنا مين لأن لو في شخصيتي الحقيقية بحس أني مش قادرة اتكلم'.
وتتواصل فعاليات مهرجان الجونة السينمائي في الفترة من 14 أكتوبر حتى 22 من الشهر ذاته، ويعرض في المهرجان 37 فيلمًا روائيّا طويلًا و15 فيلمًا وثائقيًّا و23 فيلمًا قصيرًا إضافة لستة أفلام ضمن برنامج العروض الخاصة، ويشارك في مهرجان الجونة مجموعة من الافلام المميزة، منها، فيلم مقصورة رقم 6، للمخرج الفنلندي يوهو كوسمانين و'واقعة' للمخرجة الفرنسية اُودري ديوان و'ثانية واحدة' للمخرج الصيني زانج بيمو، و'عَلي صوتك' للمخرج المغربي نبيل عيوش، و'كوستا برافا' للمخرجة اللبنانية مونيا عقل.
تابعوا آخر أهل مصر على Google News
