حلت الفنانة ياسمين عبدالعزيز ضيفة على الإعلامية منى الشاذلي ببرنامج 'معكم' على قناة 'cbc'، في أول ظهور لها بعد محنة مرضها وعلاجها في الخارج.
وخلال الحلقة روت ياسمين عبدالعزيز لأول مرة تفاصيل الأزمة التي عاشتها قائلة: 'كنت داخلة اعمل عملية عند دكتور النسا اللي ولدني في بنتي، فأنا عندي أكياس من وأنا عندي 16 سنة وهي منتشرة عند بنات كتير عبارة، وعملت العملية دي حوالي 5 مرات وكنت بدخل أعمل العملية، ومحدش يعرف حاجة عني وأعود لشغلي عادي فأنا تأقلمت على الأكياس، والالام بتاعتها بقت صاحبتي و أعيش وأتعايش معها'.
وتابعت ياسمين عبد العزيز: 'رحت للدكتور قلتله عاوز أعمل العملية بعد مسلسل 'اللي مالوش كبير'، ومن وقتها مشفتش يوم انبساط وجالي مرتين كورونا، في شهرين أجريت 4 عمليات منهم عمليتين في يوم واحد، وبعدها دخلت في أزمتي الصحية.. ورحت عشان أعمل العملية الدكتور قالي هتاخد من ساعتين تلاتة وهعد يومين تلاتة في المستشفى ودخلت العملية محدش يعرف وكان معايا أحمد العوضي وبنتي و صحبتي'.
وواصلت: 'بعد خروجي من العملية شعرت بألم رهيب، وكنت بقولهم أنا بموت وخرجت من العملية مش فاكرة حاجة، بسبب المخدر والمسكنات التي حصلت عليها بسبب الآلام التي أشعر بها انا ست مش بدلع وحمولة لما بكون بتوجع بيكون إحساس حقيقي'.
وذكرت: 'بعدها بكام يوم قالولي لو معملتش العملية كمان ساعة هتموتي، والقولون اتخرم، و جالي تسمم في الدم وعملولي العملية والدكتور عصام شلباية أنقذ حياتي قالي انا داخل اعمل العملية والدنيا بايظة خالص وعارف أن الموضوع كان صعب جدا'.
تابعوا آخر أهل مصر على Google News
