ياسمين عبدالعزيز: "من شدة الألم قلت لهم شيلوا الأجهزة هبقى مرتاحة لو رحت لربنا"

كشفت الفنانة ياسمين عبد العزيز تفاصيل المحنة الصحية الصعبة التي مرت بها منذ مؤخرا، وذلك في لقائها التي تطل به لأول مرة على جمهورها مع الإعلامية منى الشاذلي ببرنامج 'معكم'، المذاع عبر قناة 'CBC'.

وروت ياسمين عبد العزيز: 'كل ما أنام في العناية يجيلي كابوس واغمض عيني يجيلي نفس الكابوس..قررت مش هغمض عيني بسبب الكابوس.. كابوس غريب مش عايزة أحكيه حاجة غريبة وعمري مجالي كوابيس ولا من النوع اللي بحلم أوي.. في وقت وأنا في العناية كنت خلاص قلتلهم انا مش قادرة أكمل وأنا فعلا مكنتش قادرة.. مرحلة من الآلام والتعب قلتلهم شيلوا الأجهزة و الانتيبيوتيك وكل حاجة مش هقدر أكمل أنا خلاص هبقى مرتاحة أن أنا أروح لربنا'.

وتابعت:ر'حسيت إن بكره آخر يوم ليا.. اللي بيموت بيحس شعور أول مرة اشوفه وأحسه اني خلاص اني مبتكلمش ومش بتحرك وقاعدة على طول وخراطيم في كل حته في جسمي على الجهاز.. خسيت 15 كيلو كنت زي بتوع المومياء الفراعنة.. قلتلهم خلاص شيلوا كل الأدوية فضلوا يعيطوا هتسبينا ازاي وأحمد العوضي قالي اوعديني إنك تكملي'.

ومرت الفنانة ياسمين عبد العزيز مؤخراً بأزمة صحية شديدة بعدما خضعت لعملية، وتعرضت لخطأ طبي أدى إلى تدهور وضعها الصحي، قبل أن تسافر إلى سويسرا لاستكمال رحلة علاجها، ثم إعلانها في شهر سبتمبر الماضي عن تعافيها من مرضها.