رانيا يوسف: لا أرفض مشاهد الإغراء ومعنديش خطوط حمرا في السينما (فيديو)

قالت الفنانة رانيا يوسف إن الاغراء ليس وصمة عار أو إهانة للفنانة، لافتة إلى أنها تقبل تقديم أدوار بها قبلات ومشاهد جريئة في أعمالها الفنية.

وأضافت رانيا يوسف، أثناء حديثها مع الإعلامية إنجي أنور، ببرنامج 'مصر جديدة' على قناة «ETC»:'مش بقلق لما بعمل أدوار جريئة أو مثيرة.. ولازم نكون تخطينا طريقة التفكير دي.. دلوقتي بنتعامل مع منصات إلكترونية بتجيب كل حاجة، وخايفة تعملي أدوار جريئة ليه؟ عشان الناس مثلا؟ دا تمثيل ولا علاقة له بحياة الفنان الشخصية'.

وتابعت رانيا يوسف حديثها قائلة: 'مش بخاف خالص أتحط في تصنيف أني أكون الإغراء.. أيه المشكلة في لقب ممثلة إغراء دي مش شتيمة ومش وصمة عار..خايفين من الناس تحكم عليكم ليه، يحكموا عليا ليه أصلا ولو حد بيفكر بالطريقة دي في 2022 يبقى فيه خلل عندنا في التفكير.. ولو حد عايز يتفرج على أفلام إباحية هيجبها على الموبايل'.

وأكملت قائلة:'أنت مش مستنيني أجي أعملك مشهد إغراء.. المشاهد لو عايز مشهد إغراء هيتفرج عليه في مليون حتة.. أنا معنديش خطوط حمرا في السينما.. أنا ممثلة بروفيشنال وممكن أعمل مشهد فيه قبلة أو ألبس بيكيني لو دا يستدعي وفي سياق العمل، وممكن أعمل مشهد أكتر من كدا كمان، وأنا ما دام وافقت على الفيلم يبقى وافقت على كل اللي في الفيلم، وبعرف أفرق أيه المشهد اللي مهم وأيه اللي مش مهم.