تعرضت الفنانة كارولين عزمي، إلى التحرش اللفظي أثناء قيادتها السيارة، حيث نشرت فيديو على حسابها على موقع تبادل الصور والفيديوهات، 'إنستجرام' فيديو توثق فيه تعرضها لحادث التحرش.
وعلقت كارولين عزمي على الفيديو الذي نشرته عبر حسابها الشخصي قائلةً:'مساء الخير أنا اللي يعرفني أو متابعني عارف إني شخص ملوش في المشاكل ولا عمري شاركت مشكلة تخصني سوشيال ميديا، باختصار النهاردة كنت في عربيتي وجنبي عربية فيها واحد كسر عليا'.
View this post on Instagram
وأضافت:'كل اللي عملته إني بصتله وبصيت قدامي فلقيته يكرر نفس الحركة تانى باستظراف، روحت طلعت الموبايل وعملت نفسي بصور عشان أخوفه وخليه يبطل يضايقني تفاجئت وهو بيقولي بتصورنى يا بنت……، ساعتها اتخضيت وبدأت أصور بجد وانتوا هتشوفوا في الفيديو الحركات اللي بأيده والشتائم'.
وتابعت:'بدأ يقولي تعالي ورايا والحقيقة إني مش عارفة أروح وراه فين، أو كان عايز يعمل إيه لأني اتوترت، وخفت ساعتها مقدرتش اصور 1%من اللى عمله الشخص ده'.
وأردفت:'أنا اتشمت واتهنت واتشمت بأهلي بأقذر الشتائم النهاردة من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص دا أذى بنات كتير لانه تقريبا متعود على الحركات دي، ومتعود يخوفهم ومش همه حتى إنه يتصور، ويتفضح، أنا عايزة حقي يرجعلي'.
وتشارك كارولين عزمي فى أحداث الجزء الثالث من مسلسل أبو العروسة والذى يشهد تفاصيل وحكايات جديدة ومختلفة حيث، يتم إقامة حفل زفاف هاجر التى تلعب دورها الفنانة كارولين عزمي على صديقها يوسف محمد مهران، ويعتبر هذا أهم أحداث الجزء الثالث من العمل.
تابعوا آخر أهل مصر على Google News
