حمو بيكا: «حسبي الله ونعم الوكيل في كل واحد قال عليا كلمة وحشة» (فيديو)

وجه مؤدي المهرجانات الشعبية حمو بيكا رسالة جديدة عبر بث مباشر اليوم على حسابه بموقع التواصل الاجتماعي فيسبوك، في أول ظهور بعد تعرضه منذ أيام لوعكة صحية ونقله إلى إحدى المستشفيات عقب حلوله ضيفًا ببرنامج كلام الناس على قناة 'إم بي سي مصر'.

أول ظهور لحمو بيكا بعد نقله للمستشفى

وقال حمو بيكا، في بث مباشر عبر حسابه بفيسبوك:'السلام عليكم لكل أخواتي اللي سألوا عليا وأنا تعبان، طالع النهاردة علشان أقولكوا إني بقيت أحسن والحمد لله على اللي يجيبه ربنا، وأنا مسحت صورتي في المستشفى من حسابي علشان كمية التنمر، المرض عمر ما يكون فيه تنمر ولما يكون واحد تعبان إحنا نقول كلمة حلوة'.

وأضاف حمو بيكا قائلاً:'حابب أقول للناس اللي تنمرت عليا دي حرية شخصية ليك وربنا ما يجبلك حاجة وحشة في بيتك أو عيالك أو أي حد، أشكر كل أخواتي وحبايبي اللي سألوا عليا في شدتي وتعبي ومرضى ربنا يخليكوا ليا وميحرمنيش منكم أبدا، انتوا أنضف ناس وأحسن ناس، اللي بيحب بدون مقابل بيبان و ده معدنه أصيل وكويس'.

وأكمل حمو بيكا حديثه قائلاً:'حسبي الله ونعم الوكيل في كل واحد قال عليا كلمة وحشة ربنا يسامحكوا ويهديلك نفسك عشان ده مرض، واللي مش فاهم مرض كرونز يخش يبحث عنه ويعرف عنه كل حاجة'.